Amerikonsku Jómfrúoyggjar

United States Virgin Islands

(Flagg Amerikonsku Jómfrúoyggjar) (Skjaldarmerki Amerikonsku Jómfrúoyggjar)
Tjóðarslagorð: United in Pride and Hope
Tjóðsangur: Virgin Islands March
Alment mál	Enskt
Høvuðsstaður	Charlotte Amalie
Forseti	Barack Obama (D)
Guvernørur	John de Jongh (D)
Fullveldi	Onki 1
Vídd  - tilsamans  - vøtn (%)	346.36 km² 1.0 %
Íbúgvar  - tilsamans 2012  - tættleiki	105 275 354/km²
Gjaldoyra	Amerikanskur dollari (USD)
Tíðarøki	UTC -4
Økisnavn á alnetinum	.vi og .us
Telefonkota	+1
1Undir amerikonskum yvirræði.

Amerikonsku Jómfrúoyggjar (enskt: United States Virgin Islands) er oyggjabólkur í Karibia. Hesar oyggjar liggja tætt við Puerto Riko. Størsta bygdin ið er Charlotte Amalie liggur sunnanvert á oynni St. Thomas. Býurin er eisini høvuðsstaður. Oyggjarnar eru 346.36 km² til víddar. Høvuðsvinnurnar eru ferðavinna og landbúnaður. Heitt er veðurlagið, og ofta regnar, so væl fæst burtur úr jørðini. Landið hevur umleið 105 000 íbúgvar. Oyggjarnar vóru fýrst spanskar og siðan danskar frá 1691 til 1917. Amerikonsku Jómfrúoyggjar hevur sjálvstýri, men er nú undir amerikonskum yvirræði.

Gjaldoyrað, ið nýtt verður, er amerikanskur dollari (USD). Málið er enskt.

Søga

Evropearar leggja Karibia undir seg

Evropearar týndu upprunafólkið; tey sum ikki vórðu myrd, doyðu av smittandi sjúkum, ið niðursetumenninir bóru við sær. Men arbeiðsmegi mátti verða útvegað til sukurlundirnar, og tí vórðu túsundtals trælir fluttir hagar úr Afrika. Mangir doyðu av ræðuligu arbeiðsumstøðunum, vánaliga kostinum og ringu bústaðarviðurskiftunum. Men teir afrikanarar, sum ikki doyðu, fingu stóra ávirkan í oyggjunum. Mesta fólkið nú á døgum er ættað frá afrikonskum trælum.

Undir donskum yvirræði

Tætt eystan fyri Puerto Riko átti Danmark 3 oyggjar, St. Thomas, St. Croix og St. John (á donskum: De dansk-vestindiske øer). Eini 251 ár høvdu teir hesar oyggjar í valdi . Nógv sukur varð dyrkað á oyggjunum, og eina lana tíð góvu tær nógv av sær, tí sukrið gekk í góðum prísi í Evropa. So fóru menn í Evropa at dyrka sukurrøtur, og tá fall prísurin á ørsukrinum nógv . Aftan á 1900 hildu summir danir, at tað loysti seg ikki at eiga oyggjarnar - fólkaatkvøða varð hildin, og meirluti var fyri at selja. Tá so fólkið í oyggjunum kravdi at verða leyst frá Danmark, vóru oyggjarnar í 1917 latnar til USA fyri 70 mill. krónur (DDK) .

Landafrøði

Oyggjar

Amerikonsku Jómfrúoyggjar eru tilsamans uml. 80 oyggjar: 4 eru bygdar og uml. 75 óbygd. Flest fólk búgva á St. Thomas, men størsta oyggin er St. Croix.

Navn	Stødd (km²)	Íbúgvar (2010)	Íbúgvatættleiki (fyri km²)
Saint Thomas	80.91 km²	51,634	638.17/km²
Saint Croix	214.66 km²	50,601	235.73/km²
Saint John	50.79 km²	4,170	82.09/km²
Water Island	1.989 km²	182	91.50/km²

Myndasavn

• 

  Charlotte Amalie, høvuðsstaðurin á oynni St. Thomas.

• 

  Trunk Bay, St. John.

• 
• 

  Kort.