Michigan

Flagg	Skjøldur
Land:	USA
Alment mál:	Enskt (de facto)
Høvuðsstaður:	Lansing
Størsta býur:	Detroit
Innlima:	26. januar 1837
Guvernørur:	Rick Snyder (R)
Vídd:	253,793 km²
Íbúgvar (2011):	9,883,640
fyri km²:	67.55/km²
Tíðarzona:	UTC -6/-5/-4
Heimasíða:	www.michigan.gov

Michigan (enskt: State of Michigan) er ein lutstatur í Samveldisríki Amerika við umleið 9,8 mió. íbúgvar. Lansing er høvuðsstaðurin og Detroit er størsti býurin. Í 1837 bleiv hann lutstatur í USA. Ovari Hálvoyggj (á enskum Upper Peninsula ella UP) hevur mark við Wisconsin og Niðari Hálvoyggj (á enskum Lower Peninsula) hevur mark við Indiana og Ohio. Eyknevni hansara er Stóruvøtnstaturin (enskt: The Great Lakes State).

Arbeiðsloysið í Michigan er 11,7 prosent (januar 2011), og tískil væl størri enn miðal fyri alt landið, ið er 8,9 prosent. Í Michigan eru størstu bilverksmiðjur í heiminum: Ford og General Motors. Av Ford-smiðjunum lata teir 15.500 nýggjar bilar um dagin.

Búskapur

Corn flakes er úr Michigan. Alheims høvuðsskrivstovan hjá Kellogg's er eisini í Battle Creek, Michigan.

Á einum stórum strekki vestan fyri Erievatn í Eystur-Michigan dyrka teir bara soyabønir, jarðnøtir og mais. Um tú siglir eftir onkrari á har, so sært tú teir høgu maisleggirnar, ið verða upp til 3 metrar, standa á áarbakkanum, og koyrir tú við toki, so koma maisleggirnir upp fyri vindeyguni á ferðamannavognunum, so tú leingi ikki sært annað enn maisbløð. Nakað av maisini verður m.a. nýtt til matna, vit kenna "corn flakes".

Arbeiðsfólkið er ofta lítið, tað kunnu vera heilt ovurstórir garðar, har ið kona og maður eru einsamøll uttan ta allarstrævnastu tíðina um heystið. Við tað at garðarnir oftast eru so ógvuliga stórir, leggja bøndurnir ikki í at brúka stórvegis av tøðum, summir taða yvirhøvur ikki, komið veksur kortini, men so velta teir heldur ikki sama stykki ár um ár; tá ið teir hava havt korn í einum stykki eitt ár, verður tað bara liggjandi til gras í nøkur ár.

Sí eisini

• Sambandsríki Amerika