Maine

Flagg	Skjøldur
Land:	USA
Alment mál:	Onki
Høvuðsstaður:	Augusta
Størsta býur:	Portland
Innlima:	15. mars 1820
Guvernørur:	Paul LePage (R)
Vídd:	86,542 km²
Íbúgvar (2011):	1 328 361
fyri km²:	15.95/km²
Tíðarzona:	UTC -5/-4
Heimasíða:	www.Maine.gov

Maine (enskt: State of Maine) er lutstatur í Sambandsríki Amerika við umleið 1,3 mió. íbúgvar. Høvuðsstaðurin er Augusta og størsti býurin er Portland. Í norðri, eystri og vestri hevur Maine mark við Kanada (landslutur Quebec og New Brunswick). Eisini í vestri hevur hann mark við New Hampshire. Í eystri liggur Atlantshavið. Eyknevni hansara er Furutræstaturin (enskt: The Pine Tree State).

Í 1620 komu pílagrímarnir til Maine. Átrúnaðarlig viðurskifti høvdu noytt teir at rýma úr Onglandi.

Landalæra

Norðari partur av eysturstrondini líkist nógv aftur í landslagið í Vesturevropa. Har eru heilt djúpir áarósar sum firðir, og av tí at munurin millum fjøru og flóð er ógvuliga stórur, 15 m. í støðum, so legst runan ikki í áarmunnunum, men munurin ger eisini, at tað hevur verið stórt arbeiði at byggja tær nógvu góðu havnirnar, sum eru har.

Summastaðni er vøkur strandstrond, ið verður nýtt til baðipláss. Í fyrstani, tá ið evropear komu til landið, vaks skógur heilt út til strondina nógvastaðni, men teir ruddaðu skógirnar, so teir kundu fáa dyrkað jørðina. Moldin er góð, og havættin førir vætu við sær, so har er gott kornlendi.

Sí eisini

• Sambandsríki Amerika