Washington DC

Frá Wikipedia, hin frælsa alfrøðin

Flagg	Skjøldur


Land:	USA
Vídd:	177,0 km²
Íbúgvar (2006):	581 530
fyri km²:	3 481
Mál:	Enskt
Heimasíða:	www.dc.gov

Washington D.C. (alment District Of Columbia) er høvuðsstaður USAs, og hevur umleið 600.000 íbúgvar. Hann varð bygdur til høvuðsstað, eftir at landið varð sjálvstøðugt, og stendur beinleiðis undir felagsstjórnini. Hann er vakur býur við prýðiligum bygningum og vakstrargørðum. Vegirnir eru breiðir og beinir. Borgin, sum kongressin kemur saman í, eitur Capitol.

Washington DC varð grundaður 16. juli 1790. Býurin bleiv doyptur Washington 9. septembur 1791 eftir George Washington forseta. Navnið hevur tveir partar: Washington (ein býur) og District of Columbia ella DC. Stjórnin heldur til í Washington DC, har forsetin og húski hansara búgva í Hvítu Húsunum.

Í 1790-1791 samtykti amerikanska tingið lógirnar at fáa skipað ein høvuðsstað í øllum USA. Men tingið vildi sleppa undan ósemju millum londini um, hvar hann skuldi vera. So tá ið George Washington, forseti, hevði valt økið til høvuðsstaðin, sum varð nevndur eftir honum, fekk býurin og lendið serstøðu í samveldinum; District of Columbia, stytt DC. District of Columbia er tí ikki eitt land í USA.

Fólkið í Washington D.C. hevur valrætt til umboðsmannatingið, men tingmenn teirra hava ikki atkvøðurætt.