Tennessee

Frá Wikipedia, hin frælsa alfrøðin
Far til: navigatión, leita
Flagg Skjøldur
Flag of Tennessee.svg Tennesseestateseal.jpg
Map of USA TN.svg
Land: Flag of the United States.svg USA
Alment mál: Enskt
Høvuðsstaður: Nashville
Størsta býur: Memphis
Innlima: 1. juni 1796
Guvernørur: Bill Haslam (Rep.)
Vídd: 109,151 km²
Íbúgvar (2014): 6,549,352
fyri km²: 58/km²
Tíðarzona: UTC -5/-4
Heimasíða: www.Tennessee.gov

Tennessee (enskt; State of Tennessee) er ein statur í Sambandsríkinum Amerika við umleið 6,5 mió. íbúgvar. Hann bleiv lutstatur í USA í juni 1796. Nashville er høvuðsstaðurin og størsti býurin er Memphis. Í norðri hevur Tennessee mark við Kentucky og Virginia, í eystri við North Carolina, í suðri við Georgia, Alabama og Mississippi, og í vestri við Missouri og Arkansas. Eyknevni hansara er Sjálvboðinsstaturin (enskt: The Volunteer State).

Har er landslagið eyðkent av stórum gørðum, sum hava stórar víddir til beitilendi. Summir av hesum gørðum, ið eisini verða nevndir ranches, hava tíggjutúsundtals neyt gangandi á beiti. Kjøtið verður flutt út til allan heim. 
Um leið 48 prosent av landjørðini í Tennessee eru velt.[1]

Countrytónleikur tók seg upp sum fólkatónleikur ímillum hvíta, fátæka fólkið í Tennessee.

Búskapur[rætta | rætta wikitekst]

Høvuðsvinnuvegurin í Tennessee er landbúnaður. Myndin er tikin við Bristol.

Í Tennessee eru bæði nógv og góð landbúnaðarjørð. Týdningarmesti útflutningurin er búnaðarvørur: bummull, tubbak, hveiti, mais, korn og kjøt. Onnur týðandi grøði er soyabønir og jarðnøtir. Bøndurnir dyrka eisini frukt og hava eisini skógarvinnu. Í øllum statinum eru ovurstórir garðar. Summar fyritøkur í landbúnaðinum í Tennessee eru sera stórar. Nógvastaðni eru stórar gróðrarlundir. Gróðrarlundirnar hava framvegis stóran týdning fyri búskapin. Nógv jarðarbrúk eru ómetaliga stór. Ein garður kann vera tríggjar ferðir so stórur sum allar Føroyar. Har hava tey ógvuliga nógvan fenað, serliga neyt til at fáa kjøt. Úr hesum stóru landbúnaðarøkjunum verða landbúnaðarvørur flutt­ar út til nógv lond kring allan heim. Hesi støðini hava so statt ógvu­liga stóran týdning fyri at útvega heiminum mat. Landbúnaðarjørð og skógir eru næstan 90 % av økinum í Tennessee. 
Í Tennessee eru fleiri enn 91.000 garðar.

[2] Landbúnaðarframleiðslan í 2014 liggur um góðar $2,2 mrd. um árið.[3]

Næstan allastaðni í Tennessee gerast garðarnir størri og størri. Tað ber illa til hjá bóndagørðum, sum ein familja rekur, at klára seg fíggjarliga, og tí verða fleiri garðar lagdir saman í størri jarðarbrúk. Alsamt færri bøndur framleiða alsamt meira mat. Tað ber til, millum annað tí at betri tøkni til landbúnað verður ment, og tí at nógv verður gjørt við at kynbøta plantur og húsdýr. Nógv jarðarbrúk hava eisini lagt seg eftir einari ávísari grøði ella kanska tveimum. Harumframt nýta tey flestu nógv handilstøð og eitur móti loki og skaðadýrum. Alt hetta ger, at meira fæst burturúr. 


Eitt annað týdningarmikið náttúrutilfeingi í Tennessee er teir stóru skógirnir. 

Skógarlendi fevna um umleið 52 % av landaøki í 2014.[4]

Keldur[rætta | rætta wikitekst]

  1. https://www.tn.gov/agriculture/publications/farmfacts.pdf
  2. https://www.tn.gov/agriculture/publications/farmfacts.pdf
  3. https://www.tn.gov/agriculture/publications/farmfacts.pdf
  4. http://www.tn.gov/agriculture/forestry/

Sí eisini[rætta | rætta wikitekst]


Flag of the United States.svg
Høvuðsstaðarøki
Flag of the United States.svg
District of Columbia
Amerikanskir statir
Alabama · Alaska · Arizona · Arkansas · Colorado · Connecticut · Delaware · Florida · Georgia · Hawaii · Idaho · Illinois · Indiana · Iowa · Kalifornia · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · New Jersey · New Mexico · New York · Norðurcarolina · Norðurdakota · Ohio · Oklahoma · Oregon · Pennsylvania · Rhode Island · Suðurcarolina · Suðurdakota · Tennessee · Texas · Utah · Vermont · Vesturvirginia · Virginia · Washington · Wisconsin · Wyoming
Amerikonsk hjálond
Amerikanska Sámoa · Bakeroyggj · Guam · Howlandsoyggj · Jarvisoyggj · Johnston Koralloyggj · Jómfrúoyggjar ·
Kingman Koralloyggj · Midwayoyggjar · Navassaoyggj · Norðaru Marianaoyggjar · Palmyra Koralloyggj · Puerto Riko · Wakeoyggj