Bermuda

Frá Wikipedia, hin frælsa alfrøðin
Far til: navigatión, leita
Eini 65.000 fólk búgva í Bermudaoyggjum, ið eru sum hálv Sandoy til víddar.
Kort av Bermudaoyggjunum.
Devonshire skansin, teknaður í 1614, teknað av Captain John Smith.
Ein strond í Bermuda.

Bermuda er ein oyggjabólkur sum hoyrir til Bretland, sum liggja í Norðuratlantshavi eystanfyri USA. Nærmasta stað í USA er Cape Hatteras, North Carolina, sum liggur umleið 1030 km í ein útnyrðing frá Bermuda. Oyggjarnar liggja 1.239 kilometrar sunnanfyri Cape Sable Island, Nova Scotia, og 1.770 kilometrar í ein landnyrðing av Miami. Høvuðsstaðurin eitur Hamilton, tó var St. George tann fyrsti høvuðstaðurin, og er St. George tann elsti enskt-talandi býurin uttanfyri Stórabretland í heiminum. Oyggjarnar eru 53,2 km2 til støddar. Í 2010 var fólkatalið 64.268 og fólkatættleikin var 1.275 pr. km2. Bermuda er tað norðasta og eystasta staðið av Burmuda-trýkantinum, har tað sigst at nógv skip eru gingin burtur og flogfør eru dottin niður á mystiskan hátt.

Søga[rætta | rætta wikitekst]

Bermuda oyggjarnar vóru funnar í 1505 av spanska Juan de Bermúdez kapteini, sum oyggjarnar eru uppkallaðar eftir. Í 1609 stovnaði Virginia Company eina búseting á Bermuda, hetta var tvey ár eftir, at sama fyritøka hevði sett á stovn býirinir Virginia og Jamestown á amerikanska kontinentinum. Búsetingin fór fram tá ein ódn herjaði øki og tað søkkandi enska skipið Sea Venture noyddist at stýra á eitt sker har um leiðir, so at manning og ferðafólk kundu fara í land. Virginia Company stýrdi oynni til 1614, tá ein onnur fyritøka Somers Isles Company, tók yvir og hevði ræði á oynni til 1684, tá bretar tóku valdið á oynni.

Í 1707 vóru oyggjarnar alment innlimaðar í Stóra Bretland.

Tíðarlinja[rætta | rætta wikitekst]

  • 1505 – Oyggjarnar vóru funnar av spaniólanum Juan de Bermúdez
  • 1609 – Tey fyrstu niðursetufólkini búsettust á Bermuda, tey vóru úr Stórabretlandi
  • 1679 – Bermuda gjørdist bretsk koloni, tó ikki alment fyrr enn í 1707
  • 1707 - Oyggjarnar vóru alment innlimaðar í Stóra Bretland.
  • 1797 – Ein bretsk hernaðarbasa varð bygd á oynni
  • 1834 – Trælahald gjørdist ólógligt á Bermuda
  • 1968 – Oyggjarnar fingu sjálvstýri

Ítróttur[rætta | rætta wikitekst]

Oyggjaleikir[rætta | rætta wikitekst]

Bermuda er limur í Oyggjaleikunum, har Føroyar eisini eru limir. Oyggjaleikir 2013 verða á Bermuda. Bermuda luttekur eisini á Olympisku Leikunum.

Olymisku Leikirnir[rætta | rætta wikitekst]

Tey hava eitt nú luttikið í sigling, svimjing, kaving, frælsum ítrótti og triatlon.

Keldur[rætta | rætta wikitekst]



Lond í Norðuramerika
Antigua og Barbuda | Bahamasoyggjar | Barbados | Belis | Dominika | Dominikanalýðveldið | El Salvador | Grenada | Guatemala | Haiti | Honduras | Jamaika
Kanada | Kosta Rika | Kuba | Meksiko | Nikaragua | Panama | St. Kitts og Nevis | St. Lusia | St. Vinsent og Grenadinoyggjar | Trinidad og Tobago | USA
Sjálvstýrandi øki: Anguilla | Aruba | Amerikonsku Jómfrúoyggjar | Bermuda | Bretsku Jómfrúoyggjar | Caymanoyggjar | Grønland
Guadeloupe | Martinique | Montserrat | Niðurlendsku Antilloyggjar | Puerto Riko | Saint-Pierre og Miquelon | Turks- og Caicosoyggjar