Løgtingsvalið 2019

Frá Wikipedia, hin frælsa alfrøðin
Jump to navigation Jump to search

Løgtingsvalið 2019 til Føroya Løgting verður leygardagin tann 31. august 2019. Løgmaður, Aksel V. Johannesen, útskrivaði valið ólavsøkudag 29. juli 2019. Valið verður seinasta dagin í hesum valskeiðnum, sum møguligt er at halda løgtingsval, tí at seinasta løgtingsval var tann 1.september 2015.[1][2][3] Á valinum í ár verða okkurt um 1000 fleiri veljarar enn á valinum 2015.

Higartil hava sjey tingfólk boðað frá, at tey stilla ikki uppaftur. Seks tingfólk hava boðað frá frammanundan, at tey ikki stillað upp. Tey eru Kári P. Højgaard, Bjørn Kalsø, Sonja Jógvansdóttir, Magni Laksáfoss, Helena Dam á Neystabø og Edmund Joensen. Sjeyndi løgtingslimur, sum nú takkar fyri seg, er Joen Magnus Rasmussen.[4]

Kristin Michelsen, sum varð valdur á listanum hjá Javnaðarflokkinum á seinasta løgtingsvali, er nú á listanum hjá Sjálvstýrinum.[5]

Níggju flokkar eru at velja millum á løgtingsvalinum 2019. Tað eru teir sjey flokkarnir, sum eru í løgtinginum nú, og tveir nýggir. Teir nýggju eru Framtakið fyri rættinum at velja kannabis og Føroyaflokkurin.[6][7] Tilsamans 179 valevni bjóða seg fram til løgtingsvalið, 121 menn og 58 kvinnur.[8] Tann 17. august kl. 18 var seinasta freist at lata valevnislistar inn til formannin í løgtingsvalnevndini.[9]


Flokkar Valevni[8][10][11]
  AFólkaflokkurin 28
  BSambandsflokkurin 29
  CJavnaðarflokkurin 28
  DSjálvstýri 15
  ETjóðveldi 34
  FFramsókn 14
  HMiðflokkurin 15
  KFramtakið 12
  LFøroyaflokkurin 4

Atkvøðugreiðslan byrjar 31. august 2019, kl. 10.00 fyrrapart og heldur fram til kl. 20.00, ella so leingi veljarar møta uttan steðg.[12]

Ávísingar úteftir[rætta | rætta wikitekst]

Keldur[rætta | rætta wikitekst]