Helena Dam á Neystabø

Helena Dam á Neystabø
Landsstýriskvinna í mentamálum
Í embæti 26. september 2008 – 14. november 2011
Undanmaður	Óluva Klettskarð
Eftirmaður	Bjørn Kalsø
Landsstýriskvinna í lógarmálum
Í embæti 4. februar 2008 – 26. september 2008
Landsstýriskvinna í almanna-og heilsumálum
Í embæti 15. maj 1998 – 26. februar 2001
Undanmaður	Óli Jacobsen
Eftirmaður	Sámal Petur í Grund
Forkvinna í Sjálvstýri
Í embæti 7. juli 1994 – 1. juli 2001
Undanmaður	Lasse Klein
Eftirmaður	Sámal Petur í Grund
Løgtingskvinna
Í embæti 17. november 1990 – 30. apríl 2002
Í embæti 20. januar 2004 – 19. januar 2008
Persónlig kunning
Fødd(ur)	(1955-12-10) desember 10, 1955
Politiskur flokkur	Sjálvstýri, Javnaðarflokkurin
Útbúgving	studentaskúlalærari

Helena Dam á Neystabø (fødd 10. desember 1955) er ein føroyskur politikari. Hon hevur umboða javnaðarflokkin á løgtinginum, og áður hevur hon umboðað Sjálvstýrisflokkin. Helena Dam á Neystabø er dóttir Atla P. Dam og Ásu Hátún og abbadóttir Petur Mohr Dam.

Helena Dam á Neystabø hevur nomið útbúgving á fróðskaparsetrinum í Keypmannahavn, og er útbúgvin cand.mag. í týskum og donskum máli og bókmentum, og hevur arbeitt sum studentaskúlalærari frá 1983 til 1985, sum fulltrúi á landsfyrisitingini frá 1985 til 1987, og á Skúlabókagrunninum frá 1988, harav sum leiðari síðani 1990. Í 2012 varð hon stjóri á Føroya handilsskúla.

Helena sat á løgtingi fyri Sjálvsstýrisflokkin frá 1990 til 2002 undantikið tíðarskeiðið hon sat sum landsstýriskvinna í almanna- og heilsumálum 15. mai 1998 til 26. februar 2001. Hon var formaður fyri Sjálvstýrisflokkin frá 1994 til 2001. Hon var uttanflokkatingkvinna eitt stutt tíðarskeið um ársskifti 2001-2002, og fór uppí Javnaðarflokkin í februar 2002. Á løgtingsvalinum 2008 var hon vald, og varð hon landsstýriskvinna í løgmálum 4. februar 2008 til 26. september 2008, og síðani í mentamálum fram til landsstýri varð skift í 2011. Hon var ikki afturvald á løgtingsvalinum í 2011. Hon tók tó sæti aftur á tingi eftir løgtingsvalið í 2015, tá hon gjørdist fast varatingkvinna.

Hon hevur harumframt sitið tvær setur í Tórshavnar býráð frá 2013 til 2020.

Keldur

• Løgtingið 150 – Hátíðarrit, bind 2 (2002), s. 321. (PDF Archived 2012-07-17 at the Wayback Machine)
• Dansk Kvindebiografisk Leksikon: "Helena Dam á Neystabø (1955 - )"