Bjørn Kalsø

Bjørn Kalsø
Landsstýrismaður í fiskivinnumálum
Í embæti 25. februar 2004 – 4. februar 2008
Undanmaður	Johan Dahl
Eftirmaður	Tórbjørn Jacobsen
Landsstýrismaður í mentamálum
Í embæti 26. september 2011 – 15. september 2015
Undanmaður	Helena Dam á Neystabø
Eftirmaður	Rigmor Dam
Løgtingsmaður
Í embæti 30. apríl 2008 – 31. august 2019
Persónlig kunning
Fødd(ur)	Bjørn Kalsø (1966-03-23) mars 23, 1966
Politiskur flokkur	Sambandsflokkurin
Útbúgving	Bóndi, lærari, snikkari

Bjørn Kalsø (føddur 23. mars 1966 í Syðradali á Kalsoynni) er ein føroyskur bóndi og fyrrverandi politikari fyri Sambandsflokkin.

Bjørn Kalsø tók studentsprógv á Føroya Studentaskúla og HF-skeið í 1991, var útlærdur sum snikkari sama ár, og fekk hann læraraprógv frá Føroya Læraraskúla í 1999. Han hevur verið bóndi á Kalsoynni síðani 1986, men var eisini eitt tíðarskeið til skips. Hann var lærari í Klaksvík til 2002. Síðani var han sjálvstøðugt vinnurekandi sum timburmaður fram til 2003.

Hann var borgarstjóri i Húsa kommuna frá 1995 til 2004. Í 2004 varð Kalsø landsstýrismaður í fiskivinnumálum, hóast hann hevði lítlar og ongar politiskar royndir. Kalsø sat sum landsstýrismaður til 2008, tá hann var valdur á løgting við 557 persónligum atkvøðum. Hann var endurvaldur til løgtingsvalið 2011 við 704 persónligum atkvøðum. Eftir at stjórn varð skipa millum Fólkaflokkin, Sambandsflokkin og Sjálvstýri var hann útnevndur landsstýrismaður í mentamálum. Hann røkti landstýrisessin alt skeiðið, frá 2011 til 2015. Hann var endurvaldur til løgtingsvalið í 2015. Hann stillaði ikki upp aftur á løgtingsvalinum í 2019 og gavst í politikki eftir at hava verið virkin í kommunal og landspolitikki í á leið 22 ár tilsamans.

Keldur

• Bjørn Kalsø Archived 2011-08-09 at the Wayback Machine á heimasíðu løgtingsins
• Bjørn Kalsø á heimasíðuni hjá Sambandsflokkinum.