Katrin Kallsberg
[[
| Katrin Kallsberg | |
|---|---|
 | |
| er eitt | menniskja |
| Fødd(ur) | 30. jul 1967 í/á Danmark |
| Starv | gynaecologist, politikari |
| Politiskur flokkur | Tjóðveldi |
| Dátuheiti | |
| Commons | Katrin Kallsberg |
Katrin Kallsberg (fødd 30. juli 1967 í Danmark) er ein føroyskur lækni og politikari. Á løgtingsvalinum 2015 varð hon vald inn á Føroya Løgting fyri Tjóðveldi.
Bakgrund[rætta | rætta wikitekst]
Katrin búði í Danmark tey fyrstu 6 árini, síðan flutti familjan til Føroya aftur, har faðir hennara, Kaj Kallsberg, starvaðist sum lækni á Eiði frá 1975-79[1] og í Tórshavn. Sum 16-ára gomul var hon eitt ár í USA sum skiftisnæmingur, síðan tók hon student í Hoydølum, og eftir tað fór hon til Danmarkar at lesa til lækna. Tá ið hon varð liðug við útbúgvingina starvaðist hon eitt skifti í 1995 við Læknum uttan landamørk í Srebrenica í Bosnia. Síðan flutti hon til Føroya, har hon starvaðist sum lækni í nøkur ár, til hon í 1999 flutti til Noregs at útbúgva seg til serlækna í kvinnusjúkum og burðarhjálp. Í 2002 fluttu hon og maðurin Poul Henrik Poulsen aftur til Føroya og búsettust í Sandagerði í Havn. Maðurin andaðist trý ár seinni av krabbameini.[2] Katrin starvast sum yvirlækni í kvinnusjúkum og burðarhjálp á Landssjúkrahúsinum.[3]
Katrin var forkvinna í Javnstøðunevndini frá juni 2012 til februr 2016.[4][5][6]
Katrin hevur luttikið í sjónvarpssendingini Fólksins Rødd og útvarpssendingini Also.[7]
Politisk lívsleið[rætta | rætta wikitekst]
Til løgtingsvalið 2015 stillaði Katrin upp á listanum hjá Tjóðveldi. Hon varð vald við 396 persónligum atkvøðum.[8]
Løgtingsnevndir[rætta | rætta wikitekst]
- 2015-2019 Forkvinna í Trivnaðarnevndini[9]
- 2015-2019 Limur í Mentanarnevndini
Keldur[rætta | rætta wikitekst]
- ↑ "Læknin" (in Faroese). Eiðis Municipality. http://eidi.fo/index.php/tstur-mainmenu-184/laeknin. Heintað 15 March 2016.
- ↑ Kallsberg, Katrin. "Katrin Kallsberg" (in Faroese). Tjóðveldi. http://www.tjodveldi.fo/?page_id=5704. Heintað 15 March 2016.
- ↑ ls.fo - Gynækologisk ambulatorium
- ↑ Demokratia.fo - Katrin Kallsberg nýggj forkvinna í javnstøðunevndini
- ↑ http://portal.fo/katrin+kallsberg+stillar+upp+fyri+tjodveldi.html
- ↑ javnstoda.fo - Ólavur Ellefsen nýggjur formaður í Javnstøðunevndini
- ↑ Facebook.com - Síðan hjá Tjóðveldi "KATRIN KALLSBERG STILLAR UPP FYRI TJÓÐVELDI"
- ↑ Løgtingsval 1. September 2015, kvf.fo
- ↑ portal.fo - Stór ósemja millum partarnar í Trivnaðarnevndini
| Fólkaflokkurin |  | |
|---|---|---|
| Sambandsflokkurin | ||
| Javnaðarflokkurin | R. Dam (Skaale, K.W. Poulsen) · Hammer · A.V. Johannesen (á Neystabø) · K. Michelsen · Mortensen · Old (Nolsøe Joensen) · E. Samuelsen (Jó. Johannesen) | |
| Nýtt Sjálvstýri | ||
| Tjóðveldi | Arge (I. Olsen) · á Fríðriksmørk · Háfoss (P.T.Petersen) · Hoydal (B. Samuelsen) · Kallsberg · á Reynatúgvu · Stenberg (Klettskarð) | |
| Framsókn | ||
| Miðflokkurin | ||
| Leysgangarar | ||
1 Annika Olsen fór úr Fólkaflókkinum og bleiv limur í Framsókn hin 17. sept. 2015. Hin 20. sept. 2015 fór hon úr Framsókn og bleiv leysgangari, fór í farloyvi til 30. okt. 2015, Joen Magnus Rasmussen avloysti. Gjørdist aftur limur av Fólkaflokkinum frá 4. feb. 2016. Sonja Jógvansdóttir fór úr Javnaðarflokkinum hin 15. sept. 2015 og bleiv leysgangari. Jógvan Skorheim fekk ikki loyvi frá Klaksvíkar býráð, har hann er borgarstóri, at taka sæti á tingi, tí søkti hann um farloyvi úr Løgtinginum. Magni Arge er eisini fólkatingslimur og søkti tí um farloyvi úr Løgtinginum frá 21. sept. 2015. Sjúrður Skaale var næstur á listanum at avloysa Rigmor Dam, ið gjørdist mentamálaráðharri, men hann søkti um farloyvi frá 17. sept. 2015, tí hann er fólkatingslimur. | ||