Sirið Stenberg
| Sirið Stenberg | |
|---|---|
 | |
| er eitt | menniskja |
| Fødd(ur) | 26. mai 1968 í/á Vágur |
| Starv | politikari, sjúkrarøktarfrøðingur |
| Politiskur flokkur | Tjóðveldi |
| Dátuheiti | |
| Commons | Sirið Stenberg |
Sirið Stenberg (fødd 26. mai 1968) úr Vági er føroyskur politikari. Sirið hevur nomið sær útbúgving sum sjúkrarøktarfrøðingur í 1994, sum sjúkrarøktarfrøðingur í neonatalogi í 1998 og sum heilsufrøðingur í 2001. Áðrenn hon fór í løgtingið, starvaðist hon sum heilsusystir í Suðuroynni.
Politisk lívsleið
[rætta | rætta wikitekst]Hon varð vald á Føroya Løgting á fyrsta sinni fyri Tjóðveldi á Løgtingsvalinum 2011 við 320 atkvøðum. Hon var afturvald í 2015, 2019 og 2022. Hon hevur eisini verið kommunalpolitikkari, hon varð vald í Vágs Býráð á býráðsvalinum í 2008 og tók sæti har 1. januar 2009.
Hon var landsstýriskvinna í heilsumálum frá 2015-2019 í stjórini hjá Aksel V. Johannesen. Eftir løgtingsvalið 2022 kom Tjóðveldi í samgongu, og Sirið fekk landsstýrissess. Hon gjørdist landsstýriskvinna í almanna- og mentamálum.[1]
- Løgtingslimur 2011 -
- Býráðslimur 2009 -
- Limur í Føðiskipanarnevnd fyri Føroyar 2008-2011
- Varalimur í Høvuðsbarnaverndarnevndini fyri Føroyar 2006-2008
- Leiðari á Heilsuskúla Føroya eitt tíðarskeið 2006-2008[2]
Nevndarsessir í Løgtinginum 2011 - 2015
[rætta | rætta wikitekst]- Forkvinna í Landsstýrismálanevndini
- Limur í Trivnaðarnevndini
- Varalimur í Mentanarnevndini
- Varalimur í Lokalnevndini
Nevndarsessir í Vágs Býráð
[rætta | rætta wikitekst]- 2013-2016 Forkvinna í Mentanarnevndini[3]
- 2013-2016 Limur í Fíggjarnevndini
- 2008-2012 Forkvinna í Sosialu nevnd
- 2008-2012 Limur í Mentanarnevndini[4]
Nevndarsessir í øðrum ikki kommunalum nevndum, har Vágs Býráð hevur umboð
[rætta | rætta wikitekst]- Sjálvognarstovnurin Eldrasambýlið í Vági
- Ferðslunevndin
- Felagið Stóra Pakkhús
- Bygginevndin fyri Ellis- og Røktarheimið
Frítíðarítriv
[rætta | rætta wikitekst]Sirið hevur verið virkin í Kirkjukórinum Ljómur í fleiri ár, seinastu árini hevur hon verið forkvinna í Ljómi.[5] Hon hevur eisini verið nevndarlimur í Ruth Smith Savninum í Vági.
Privat
[rætta | rætta wikitekst]Sirið Stenberg er gift við Jón Paula Olsen, saman eiga tey trý børn. Sirið er dóttir Ásgerð Stenberg, sum er fyrrverandi býráðslimur, og Flemming Stenberg.
Keldur
[rætta | rætta wikitekst]- ↑ "Hesi manna nýggja landsstýrið". 22. desember 2022. https://portal.fo/dagur-69698/hesi-manna-nyggja-landsstyrid.grein.
- ↑ "Logting.fo". http://www.logting.fo/parliamentmember/view.gebs?menuChanged=31&parliamentMember.id=113. Heintað 2012-02-13.
- ↑ http://vagur.fo/?page_id=30 Vagur.fo, Býráðsnevndir
- ↑ Vagur.fo[deyð leinkja]
- ↑ "Ljomur.com, Nevndin". http://ljomur.com/Nevndin.html. Heintað 2012-02-13.
