Eyðgunn Samuelsen
| Eyðgunn Jana Samuelsen | |
|---|---|
 | |
| landsstýriskvinnu í almannamálum | |
| Í embæti 15. september 2015 – 16. september 2019 | |
| Undanmaður | Annika Olsen |
| Eftirmaður | Elsebeth Mercedis Gunnleygsdóttur |
| Løgtingslimur | |
| Persónlig kunning | |
| Fødd(ur) | Eyðgunn Jana Henriksen 23. mai 1959 Sørvágur, Faroe Islands |
| Politiskur flokkur | Javnaðarflokkurin |
Eyðgunn Jana Samuelsen (fødd Henriksen, 23. mai 1959 i Sørvági) er ein føroyskur lærari og politikari (Javnaðarflokkurin).
Hon tók realprógv frá Sørvágs skúla í 1976 og HF á Føroya Studentaskúli og HF-skeið í 1978.[1] Hon er útbúgvin cand.mag. í samfelagsfrøði og søgu frá Roskilde Universitetscenter frá 1992. Hon hevur starvast sum lærari við tekniska skúlan í Klaksvík síðan 1987, tó ikki frá 2000–2003, tá hon var deildarleiðari á Mentamálaráðnum.
Eyðgunn var nevndarlimur og forkvinna í Sørvágs Ungmannafelag 1974–1978, ráðslimur í Meginfelag Føroyskra Studenta (MFS) í 1981, stýrislimur í Landsfelag Føroyinga í Útbúgving (LFÚ) í 1984, nevndarlimur í Klaksvíkar Húsmóðrafelag í 1985, limur í stýrinum fyri Klaksvíkar sjúkrahús 1990–1992 og limur í Líkningaráðnum 1992–1996.
Hon meldaði seg inn í Javnaðarflokkin í 1988, og varð býráðslimur í Klaksvík frá 1. januar 1997 til 31. desmber 2012. Hon varðløgtingslimur frá 4. februar 2008, og møtti í tíðarskeiðnum 2008–2011 sum varalimur fyri Helenu Dam á Neystabø. Eyðgunn var limur í Løgtingsins fíggjarnevnd frá 2008 og forkvinna í tingbólkinum hjá Javnaðarflokkinum síðan 24. februar 2011.[2] Í 2011 varð hon vald beinleiðis inn á Løgtingið við 261 persónligum atkvøðum.
Hon varð afturvald á løgtingsvalinum í 2015 við 433 persónligum atkvøðum. Eftir at Javnaðarflokkurin kom í samgongu, varð hon útnevnd til landsstýriskvinnu í almannamálum. Hon røkti landsstýrisessin alt valskeiðið.
Hon varð ikki afturvald á løgtingsvalinum í 2019. Hon stillaði tó upp aftur til løgtingsvalið í 2022 og varð afturvald við 403 persónligum atkvøðum. Eftir at Javnaðarflokkurin kom í samgongu, gjørdist hon forkvinna í Fíggjarnevndini.
Á løgtingsvalinum í 2026 varð hon ikki afturvald, men tók tó sæti sum 1. varatingkvinna hjá Javnaðarflokkinum.
Løgtingsnevndir
[rætta | rætta wikitekst]- 2011–2015 limur í Fíggjarnevndini
- 2008-2011 forkvinna í Vinnunevndini
- 2008–2011 næstforkvinna í Fíggjarnevndini
- 2008–2011 limur í Mentanarnevndini
Keldur
[rætta | rætta wikitekst]- ↑ "Heimasíðan hjá Eyðgunn Samuelsen". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2014-11-12. https://web.archive.org/web/20141112220920/http://heima.olivant.fo/~eydgunn/um_meg.html. Heintað 2014-02-10.
- ↑ Portal.fo, Eyðgunn Samuelsen forkvinna í tingbólkinum
