Syðradalur, Kalsoy

Frá Wikipedia, hin frælsa alfrøðin
(Ávíst frá Syðradalur (Kalsoy))
Jump to navigation Jump to search
Syðradalur
Sydredal (danskt)
Bygd
Syðradalur
Syðradalur
Land  Føroyar
Sýsla Norðoyar
Oyggj Kalsoy
Kommuna Húsa kommuna
Íbúgvar 6 (2015)[1]
Postnummur FO-795
Markatal 16-12-00 mk.gl.sk.
Sydradalur, Kalsoy on Faroe map.png

Syðradalur er sunnasta bygdin á Kalsoynni. Syðradalur er ein niðursetubygd frá fyrst í 19. øld; hon er bygd í 1812. Bygdin lá áður á vestursíðuni og æt Blankskáli, men vegna skalvalop á vári í 1809 fluttu blankskálafólk millum 1810 og 1816 eysturum til Syðradals at búgva av tí, at har er eingin vandi fyri skalvalopi. Eingin mansskaði hendi av lopinum. Fýra hús vóru á Blankskála, og har búðu 29 fólk tá. Tá ið liðugt var at flyta til Syðradals í 1816, vóru 5 hús. Fimta húsið varð nevnt ”har Uppi”.

Í slupptíðini hoyrdu 2 skip til Syðradal: M/S Bjørgvin (Julius Clementsen á Dunganum) og M/S Gudrun (Inni í Húsi). Fleiri syðradalsmenn vóru skiparar á t.d. Klaksvíks - og Havnaskipum. Syðradalsmenn vóru við sluppunum um summarið, og veturin varð nýttur til útróður við maskinbátum. Bygdin fekk el - orku frá SEV í 1966 og ferjulegu í 2005. Á Syðradali er ferjulega, sum er dagliga sambandið til og úr oynni.

Hóast Syðradalur er tann av teimum fýra bygdunum á oynni, sum lættast slepst til, so er hon kortini tann bygdin á Kalsoynni, ið hevur minsta fólkatalið. Hinvegin er Syðradalur ein vælumtókt frítíðarbygd.

Minnisvarðin á Syðradali yvir deyð á sjónum varð reistur í 2000.

Keldur[rætta | rætta wikitekst]

  1. Hagstova.fo


Syslur of the Faroe Islands.png Henda greinin um Føroyar er ein stubbi. Tú kanst hjálpa Wikipedia við at víðka hana
Wikimedia Commons logo
Sí miðlasavnið