Bulgaria

Република България

(Flagg Bulgariu) (Skjaldarmerki Bulgariu)
Tjóðarslagorð: Съединението прави силата
Tjóðsangur: Mila rodino
Alment mál	Bulgarskt
Høvuðsstaður	Sofia
Presidentur	Georgi Părvanov
Forsætisráðharri	Boyko Borisov
Fullveldi	1878
Vídd  - tilsamans  - vøtn (%)	110,994 km²
Íbúgvar  - tilsamans 2006  - tættleiki	7 679 290 70/km²
Gjaldoyra	Lev
Tíðarøki	EET +2
Økisnavn á alnetinum	.bg
Telefonkota	+359

Bulgaria er lýðveldi í Evropa. Í norðri hevur Bulgaria mark við Rumenia, í suðri við Turkaland og Grikkaland, og í vestri við Makedónia og Serbia.

Søga

Landaøki, ið nú er Bulgaria, hevur mestsum alla tíð sína staðið í skugganum av sterku grannum sínum. Bæði grikkar, rómverjar og turkar hava rátt her, og frá 1944 til 1989 var Bulgaria partur í kommunistiska Eysturevropa.

Fólkið

Mesta fólkið er bulgarar; lítil partur turkar og makedónar.

Mentan

Anna-Maria Ravnopolska-Dean.

Fólkið hevur altíð lagt dent á at goyma gamlar bulgarskar siðir. Tí hava mangir býir sínar sermerktu stevnur við tónleiki og skrúðgongu. Siður er mangastaðni, at stevnufólkini lata seg í skreytbúna og gekkaskort, ið tey sjálvi hava gjørt.

Tónleikarar

• Anna-Maria Ravnopolska-Dean
• Nikolai Giaurov
• Boris Hristov
• Valia Balkanska

Búskapur

Síðan 1989 hevur ein liður fram ímóti fólkaræði og at umskipa búskapin verið at skifta ríkisriknu stórgarðarnar sundur í smáar garðar. Nógv hevur eisini verið gjørt at fáa útlendsk ferðafólk at koma til gomlu býirnar og til strendurnar við Svartahav. Jarnmálmurin og kolið í Bulgaria eru ikki so góð, sum krevst at gera jarn, ið kann nýtast í tungídnaðinum. Fyrr keypti Bulgaria jarn, kol og olju bíliga úr Sovjetsamveldinum, men nú má hetta verða keypt á fría marknaðinum. Seinastu árini hevur Vesturevropa lænt Bulgaria nógvan pening at umskipa og menna ídnaðin, til dømis telduídnaðin. Klædnaídnaður og matvøruídnaður eru tyðandi vinnuvegir.

Landafrøði

Fleiri enn ein millión fólk býr í høvuðsstaðnum Sofia. Býurin er týðandi ídnaðarmiðdepil, og bæði á láglendinum og í hálendinum uttan um býin hava bøndurnir nógv dýrahald. Mangir gamlir og vakrir bygningar eru í býnum, til dømis Alexander Nevsky-kirkjan, bygd teimum russisku hermonnum til minnis, ið róku turkar úr Sofia í 1878. Vegakervið í Bulgaria er gott. Í Sofia koyrir meginparturin av fólkinum í tráðbussum.

Býir

• Sofia
• Plovdiv
• Varna
• Burgas
• Ruse
• Stara Zagora
• Pleven
• Sliven