Maine

Frá Wikipedia, hin frælsa alfrøðin
Maine
Flagg Skjøldur
Land: USA USA
Alment mál: Onki
Høvuðsstaður: Augusta
Størsti býur: Portland
Innlimað: 15. mars 1820
Guvernørur: Janet Mills (D)
Vídd: 91,646 km²
Íbúgvar (2011): 1 328 188
fyri km²: 14/km²
Tíðarzona: UTC -5/-4
Heimasíða: www.Maine.gov

Maine (enskt: State of Maine) er stakríki í landnyrðingsparti av Sambandsríkinum Amerika. Maine er størsta stakríkið í Nýonglandi.

Maine hevur umleið 1,3 mió. íbúgvar. Høvuðsstaðurin er Augusta og størsti býurin er Portland.

Í norðri, eystri og vestri hevur Maine mark við Kanada (landslutur Quebec og New Brunswick). Eisini í vestri hevur Maine mark við New Hampshire. Í eystri liggur Atlantshavið. Eyknevni er Furutræstaturin (enskt: The Pine Tree State).

Í 1620 komu pílagrímarnir til Maine. Átrúnaðarlig viðurskifti høvdu noytt teir at rýma úr Onglandi.

Landalæra[rætta | rætta wikitekst]

Landspartar í Maine.

Norðari partur av eysturstrondini líkist nógv aftur í landslagið í Vesturevropa. Har eru heilt djúpir áarósar sum firðir, og av tí at munurin millum fjøru og flóð er ógvuliga stórur, 15 m. í støðum, so legst runan ikki í áarmunnunum, men munurin ger eisini, at tað hevur verið stórt arbeiði at byggja tær nógvu góðu havnirnar, sum eru har.

Summastaðni er vøkur strandstrond, ið verður nýtt til baðipláss. Í fyrstani, tá ið evropear komu til stakríkið, vaks skógur heilt út til strondina nógvastaðni, men teir ruddaðu skógirnar, so teir kundu fáa dyrkað jørðina. Moldin er góð, og havættin førir vætu við sær, so har er gott kornlendi.

Tær størstu áirnar í Maine eru Kennebecá og Penobscotá.

Størstu býir[rætta | rætta wikitekst]

Býir í Maine

Teir 10 størstu býirnir (cities & towns) í Maine eftir íbúgvatali vóru í 2018 hesir:[1]

  1. Portland - 66 417
  2. Lewiston - 35 944
  3. Bangor - 31 997
  4. South Portland - 25 606
  5. Auburn - 23 196
  6. Biddeford - 21 514
  7. Sanford - 21 183
  8. Saco - 19 748
  9. Westbrook - 18 974
  10. Augusta - 18 681

Myndir[rætta | rætta wikitekst]

Sí eisini[rætta | rætta wikitekst]

Ávísingar úteftir[rætta | rætta wikitekst]

Wikimedia Commons logo
Wikimedia Commons logo
Sí miðlasavnið

Coordinates: 45°30′0″N 69°0′0″W / 45.50000°N 69.00000°W / 45.50000; -69.00000

Keldur[rætta | rætta wikitekst]