Kongo

République du Congo
Republíki ya Kongó
Repubilika ya Kôngo

(Flagg Kongo) (Skjaldarmerki Kongo)
Tjóðarslagorð: "Unité, Travail, Progrès"
Tjóðsangur: La Congolaise
Alment mál	Franskt
Høvuðsstaður	Brazzaville
Forseti	Denis Sassou Nguesso
Forsætisráðharri	Anatole Collinet Makosso
Fullveldi	15. august 1960 (frá Fraklandi)
Vídd  - tilsamans  - vøtn (%)	342.000 km² 3.3 %
Íbúgvar  - tilsamans 2023  - tættleiki	5.677.493 17/km²
Gjaldoyra	Franc (XAF)
Tíðarøki	UTC +1
Økisnavn á alnetinum	.cg
Telefonkota	+242

Lýðveldið Kongo (franskt: République du Congo) er eitt land í Miðafrika. Landið hevur 5 677 493 íbúgvar (2023). Brazzaville er bæði høvuðsstaður og størsti býur í Kongo. Eysturmarkið í Kongo, er fram við Kongoá og størstu ánni, sum rennur í hana, Ubangiá. Eisini Kongo er oljuland, og hóast fólkið í Kongo hevur fingið meiri burtur úr oljuríkidøminum enn fólkið í grannalandinum Gabon, liva mong enn sum fátækir bøndur og hava bara so frægt av jørð, at teir kunnu dyrka nóg mikið av mati til sín sjálvs. Týdningarmesta grøðin er maniok, ið er ein sterk bølluplanta.

Myndugleikarnir hava verið so hygnir, at teir hava nýtt peningin fyri oljuna at menna landið - hava lagt byrgingar, vegir, bygt pappírsverksmiðjur og gróðursett trø. Ídnaður er ikki nógvur í landinum, men verkafólkið er væl útbúgvið. Flestu verksmiðjurnar eru við stóru býirnar, helst við høvuðsstaðin, Brazzaville.

Sum aðrastaðni í Afrika er tónleikur týðandi partur av mentanini, og trumman er sjálvur hjartatátturin í hesum tónleiki. Best umtókti tónleikurin er kongotónleikurin, ið minnir um soultónleikin.