Lýðveldið Makedónia

Република Македонија
Lýðveldið Makedónia

(Flagg Lýðveldið Makedónia) (Skjaldarmerki Lýðveldið Makedónia)
Tjóðarslagorð: Слобода или смрт
Tjóðsangur: Denes Nad Makedonija
Alment mál	Makedonskt og Albanskt
Høvuðsstaður	Skopje
Presidentur	Branko Crvenkovski
Forsætisráðharri	Nikola Gruevski
Fullveldi	1991
Vídd  - tilsamans  - vøtn (%)	25,333 km² 1.9 %
Íbúgvar  - tilsamans 2006  - tættleiki	2 038 514 79/km²
Gjaldoyra	Makedonskt denar (MKD)
Tíðarøki	UTC +1
Økisnavn á alnetinum	.mk
Telefonkota	+389

Lýðveldið Makedónia(enskt the former Yugoslav Republic of Macedonia), er land í Eysturevropa.

Søga

Makedónia lýsti seg frælst ríki í 1991, hóast Serbia noktaði at viðurkenna granna sín sum sjálvstøðugt land. Sama gjørdi Grikkaland, ið sigur seg hava hevdsrætt at nýta navnið Makedónia um Norðurgrikkaland - hetta hevði við sær, at tá landið fekk ST limaskap var tað undir enska heitinum "The former Yugoslav Republic of Macedonia". Avleiðingarnar av ósemjuni eru, at bæði Serbia og Grikkaland hava stongt markið til Makedónia.

Búskapur

Lýggja miðjarðarhavsveðurlagið ger, at fruktgrøðin er tíðliga staðin, og bummull, tubbak og rís vaksa eisini væl. Mongu vatnorkuverkini veita klædna-, evnfrøði- og stálídnaðinum ravmagnsorku.

Landafrøði

Í hálendinum í útsynningspartinum í Makedónia eru av vakrastu vøtnum í Evropa. Fyri kríggið, tá ið ferðavinnan blómaði í gamla Jugoslavia, komu mong ferðafólk til Ohridvatn og Prespavatn, ið er heldur minni, at njóta yndisligu náttúruna og síggja gomlu smábýirnar fram við vøtnunum. Nógvur fiskur er í báðum vøtnunum, vanligastu sløgini eru karpa, eyðrriði og álur. Á Prespavatni er stórt fuglameingi, m.a. pelikanur og skarvur.

Jarðfrøði

Høvuðsstaðurin Skopje er bygdur beint har, ið fleiri jarðfrøðiligar umskaringar ganga saman, og tí er vandin fyri jarðskjálvta stórur. Fýra ferðir er býurin illa farin av jarðskjálvta. Seinast var í 1963, tá varð býurin mest sum oyðilagdur i í einum skjálvta, ið varð máldur til 6,8 á Richter-talvuni. Gamli turkiski býarparturin - elstu húsini eru frá 1392 - fekk tíbetur ongan skaða.

Býir

• Skopje (507 000)
• Kumanovo (105 000)
• Bitola (95 000)
• Tetovo (87 000)
• Gostivar (81 000)
• Prilep (77 000)
• Ohrid (56 000)
• Veles (55 000)