Manchester United F.C.

Manchester United

Fult navn	Manchester United Football Club
Kelinavn	The Red Devils
Stovnað	1878 (1878), sum Newton Heath LYR F.C. 1902 (1902), sum Manchester United F.C.
Vøllur	Old Trafford
Ground Kapasitetur	75 635
Eigari	Manchester United plc (NYSE: MANU)
Co-chairmen	Joel og Avram Glazer
Høvuðsvenjari	Erik ten Hag
Deild	Premier League
2018-19	6
Heimasíða	Heimasíða
Heima litir Úti litir Triði búnin

Old Trafford Stadium, har Manchester United spælir sínar heimadystir.

Alex Ferguson var venjari hjá Manchester United frá 1986 til 2013.

Manchester United er eitt enskt fótbóltsfelag úr Manchester, sum var stovnað í 1878 undir navninum Newton Heath LYR Football Club. Í 1902 broytti felagið navnið til Manchester United og í 1910 flutti felagið heimavøllin til Old Trafford. Àðrenn Old Trafford varð bygd spældi felagið á ymiskum støðum. Alt byrjaði tó á North Road. Um hetta mundi var hetta brúkt til cricket og hevði pláss til 12.000 áskoðarar. Hetta var mett, at vera ov lítið til, at felagið slapp at lima seg uppí ensku Football League, fyri at spæla yrkis fótbólt. So við og við vóru standipláss gjørd, soleiðis at 15.000 fólk, kundu koma til dyst og við hesum varð Newton Heath LYR vorði eitt yrkisfelag. Ikki gekk leingið áðrenn eigararnir av North Road byrjaðu, at ilskast inná Newton Heath LYR, av teirri orsøk, at teir mettu tað ikki søma seg, at krevja gjaldingar fyri fótbólt. Felagið varð bannlýst úr North Road í juni í 1893. Eftir hetta flutti felagið úr Newton Heath til Clayton, 2,2 kilometrar í ein norðan. Nýggja stadioni nevndist Bank Street. Hetta var heimavøllur hjá Newton Heath Lancashire and Yorskshire Railway, felagið skiftið sum fyrr nevnt, navn til Manchester United Football Club í 1902. Ì 1909 varð samtykt, at flytast skuldi til Old Trafford og skotski arkitekturin, Archibald Leach varð biðin, at tekna stadioni sum stóð klárt árið eftir.

Liðið er mest vinnandi felag í Onglandi. Hin 22. apríl 2013 vann felagið sítt 20. meistaraheiti í ensku Premier League, tað er met, harumframt hevur felagið 11 ferðir vunnið FA Cup (The Football Association Challenge Cup), sum eisini er met, fýra ferðir hevur tað vunnið League Cup, og 19 ferðir hevur tað vunnið FA Community Shield, sum eisini er met. Uttanfyri Ongland hevur felagið vunnið UEFA Champions League tríggjar ferðir, einaferð UEFA Steypavinnarakappingina (UEFA Cup Winners' Cup), einaferð hevur tað vunnið UEFA Super Cup, einaferð hevur tað vunnið Intercontinental Cup, og einaferð hevur tað vunnið FIFA Club World Cup. Í 1998–99 vann felagið trífaldan heiður, á enskum nevnt Treble, við tað at felagið hetta kappingarárið vann Premier League, FA Cup og UEFA Champions League, tað er higartil ikki hent fyri nakað annað enskt fótbóltsfelag.

Í 1968 var Manchester United fyrsta enska fótbóltsfelagið, sum vann Europa Cup. Alex Ferguson hevur verið venjari hjá felagnum síðan 1986, hann heldur fram til 1. juli 2013. Hann er tann venjarin, sum hevur vunnið flest meistaraheiti í enskum fótbólti, og so er hann tann venjarin, sum hevur verið venjari í longsta tíðarskeiði út í eitt í ensku Premier League. Í mai 2013 boðaði hann frá, at hann fór at gevast sum venjari eftir kappingarárið 2012-13. Fáir dagar seinni boðaði felagið frá, at tað hevði funnið ein nýggjan venjara. Nýggi venjarin er David Moyes, sum tók við 1. juli 2013. Hann var venjari hjá Everton F.C., áðrenn hann tók av at gerast venjari hjá Manchester United.

Hópurin

Dagført hin 7. oktober 2020

Viðmerking: Fløgg vísa til landslið, sambært reglunum hjá FIFA. Leikarar kunnu hava meira enn ein ikki-FIFA tjóðskap.

Nr. Pláss Leikari 1 Má David de Gea 2 Ve Victor Lindelöf 3 Ve Eric Bailly 4 Ve Phil Jones 5 Ve Harry Maguire (liðskipari) 6 Mi Paul Pogba 7 Ál Edinson Cavani 8 Mi Juan Mata 9 Ál Anthony Martial 10 Ál Marcus Rashford 11 Ál Mason Greenwood 13 Má Lee Grant 14 Mi Jesse Lingard 16 Ve Marcos Rojo 17 Mi Fred 18 Mi Bruno Fernandes

Nr. Pláss Leikari 21 Mi Daniel James 22 Má Sergio Romero 23 Ve Luke Shaw 24 Ve Timothy Fosu-Mensah 25 Ál Odion Ighalo (læntur frá Shanghai Shenhua til 31. januar 2021) 26 Má Dean Henderson 27 Ve Alex Telles 28 Mi Facundo Pellistri 29 Ve Aaron Wan-Bissaka 31 Mi Nemanja Matić 33 Ve Brandon Williams 34 Mi Donny van de Beek 38 Ve Axel Tuanzebe 39 Mi Scott McTominay 43 Ve Teden Mengi

Heiður

Heima

Landskappingin

• 1. deild (til 1992) og Premier League: 20
  • 1907–08, 1910–11, 1951–52, 1955–56, 1956–57, 1964–65, 1966–67, 1992–93, 1993–94, 1995–96, 1996–97, 1998–99, 1999–2000, 2000–01, 2002–03, 2006–07, 2007–08, 2008–09, 2010–11, 2012–13 (Met)
• Second Division: 2
  • 1935–36, 1974–75

Steypakappingar

• FA Cup: 12
  • 1908–09, 1947–48, 1962–63, 1976–77, 1982–83, 1984–85, 1989–90, 1993–94, 1995–96, 1998–99, 2003–04, 2015–16 (deilt met)
• League Cup: 4
  • 1991–92, 2005–06, 2008–09, 2009–10
• FA Charity/Community Shield: 20 (16 avgjørdir sigrar, 4 deildir sigrar)
  • 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007, 2008, 2010, 2011, 2013 (* deilt)

Evropeiskar kappingar

• European Cup/UEFA Champions League: 3
  • 1967–68, 1998–99, 2007–08
• UEFA Cup Winners' Cup: 1
  • 1990–91
• UEFA Super Cup: 1
  • 1991

Altjóða kappingar

• Intercontinental Cup: 1
  • 1999
• FIFA Club World Cup: 1
  • 2008

Leikaramet

Tann Gylti Bólturin

Hesir leikarar hava vunnið gylta bóltin meðan teir hava spælt fyri Manchester United:

• Skotland Denis Law – 1964
• Ongland Bobby Charlton – 1966
• Norðurírland George Best – 1968
• Portugal Cristiano Ronaldo – 2008

Tann Evropeiski Gylti Stivlin

Hesir leikarar hava vunnið Tann Evropeiska Gylta Stivlan meðan teir hava spælt fyri Manchester United:

• Portugal Cristiano Ronaldo (31 mál) – 2008

UEFA Ársins Fótbóltsleikari frá landskappingum

Hesir leikarar hava vunnið heiðurin UEFA Ársins klubbfótbóltsleikari meðan teir hava spælt fyri Manchester United:

• Ongland David Beckham – 1999
• Portugal Cristiano Ronaldo – 2008

Menningin av búnanum

1879–87

1887–93

1893–94

1894–96

1896–1902

1902–20, 1921–22, 1927–34, 1934–60, 1971–nú

1920–21, 1963–71

1922–27

1934

1960–63, 1997–nú

Viðmerkingar

Venjarar

Árstøl	Navn	Viðmerkingar
1878–1892	Unknown
1892–1900	A. H. Albut
1900–1903	James West
1903–1912	Ernest Mangnall
1912–1914	John Bentley
1914–1922	Jack Robson
1922–1926	John Chapman
1926–1927	Lal Hilditch	Player-manager
1927–1931	Herbert Bamlett
1931–1932	Walter Crickmer
1932–1937	Scott Duncan
1937–1945	Walter Crickmer
1945–1969	Matt Busby
1969–1970	Wilf McGuinness
1970–1971	Matt Busby
1971–1972	Frank O'Farrell
1972–1977	Tommy Docherty
1977–1981	Dave Sexton
1981–1986	Ron Atkinson
1986–2013	Alex Ferguson
2013–2014	David Moyes
2014	Ryan Giggs	Interim player-manager
2014–2016	Louis van Gaal
2016–2018	José Mourinho
2018–2021	Ole Gunnar Solskjær
2021	Michael Carrick	Caretaker manager
2021–2022	Ralf Rangnick	Interim manager
2022–	Erik ten Hag

Ávísingar úteftir

• Heimasíðan hjá Manchester United