Fólkatingsvalið 2011 í Føroyum
Fólkatingsvalið 2011 til danska Fólkatingið varð hildið í Danmark, Føroyum og Grønlandi hin 15. september 2011. Í Føroyum stillaðu seks politiskir flokkar upp til fólkatingsvalið, og harafturat stillaði Poul Michelsen upp á uttanflokkalista. Hann var farin úr Fólkaflokkinum og hevði stovnað flokkin Framsókn, men flokkurin slapp ikki at stilla upp til fólkatingsvalið, hetta tí at treytin fyri at luttaka í[1] Fólkatingsvalinum treytar, at flokkarnir, sum stilla upp, skulu vera valdir á Løgting, og tí stillaði hann upp á uttanflokkalista.
Valúrslitið
[rætta | rætta wikitekst]| Flokkur og listi | Atkvøður 2011 | % 2011 | Atkvøður 2007 | % 2007 | Munur | |
|---|---|---|---|---|---|---|
| Fólkaflokkurin (A) | 3932 | 19,0 | 4726 | 20,5 | -1,5 | |
| Sambandsflokkurin (B) | 6.361 | 30,8 | 5413 | 23,5 | +7,3 | |
| Javnaðarflokkurin (C) | 4328 | 21,0 | 4702 | 20,4 | + 0,6 | |
| Sjálvstýrisflokkurin (D) | 481 | 2,3 | 797 | 3,5 | - 1,2 | |
| Tjóðveldi (E) | 3998 | 19,4 | 5848 | 25,4 | - 6,0 | |
| Miðflokkurin (H) | 872 | 4,2 | 1577 | 6,8 | - 2,6 | |
| Uttanflokkalisti (X) | 672 | 3,3 | 0 | 0,0 | + 3,3 |
Persónligar atkvøður í Føroyum (topp 10)
[rætta | rætta wikitekst]- Høgni Hoydal (E) 1605
- Edmund Joensen (B) 1578
- Kaj Leo Johannesen (B) 1554
- Sjúrður Skaale (C) 1539
- Annika Olsen (A) 1193
- Aksel V. Johannesen (C) 985
- Jacob Vestergaard (A) 753
- Poul Michelsen (X) 672
- Bárður Nielsen (B) 438
- Jákup Mikkelsen (A) 411
Sjálvt um Høgni Hoydal úr Tjóðveldi fekk flestar persónligar atkvøður av øllum valevnunum, so varð hann ikki valdur í Fólkatingið. Edmund Joensen úr Sambandsflokkinum og Sjúrður Skaale úr Javnaðarflokkinum vóru valdir á Fólkating at umboð Føroyar.[2]