Suðuroy

Frá Wikipedia, hin frælsa alfrøðin
Far til: navigatión, leita
Suðuroy
Position of Suðuroy on Faroe map.png
Landalæra
Vídd 163,7 km²
Vatn 0,8 %
Umsiting
Land Flag of the Faroe Islands Føroyar
Íbúgvalæra
Fólkatal 4757 (2010)
Íbúgvatættleiki 30,7 /km²

Suðuroy er syðsta oyggj í Føroyum (uttan um Flesjarnar). Landslagið í Suðuroy er sermerkt av djúpum firðum. Umframt framúrskarandi landslagið kann oyggin bjóða eitt breitt úrval av áhugaverdum tilboðum, frá søguríku Sandvík í norði til náttúruvøkru Sumba í sunnan. Størstu býirnir, Tvøroyri og Vágur, liggja við firðir umgirdir av fjøllum. Vegir eru millum allar bygdir og býir, og ganga hesir gjøgnum bergtakandi náttúrufyribrigdir. Norðastu bygdirnar, Hvalba og Sandvík, hava samband við hvørja aðra gjøgnum eitt av landsins elstu bergholum. Úr hesum bygdum er vakurt útsýni til Føroya einastu mannleysu oyggj, Lítla Dímun.

Hvalba er einasta pláss, har enn verður arbeitt á kolinum. Hov telist millum elstu bygdir í Suðuroy. Og var Hov høvuðssæti hjá Havgrímur í víkingatíðini, sum eisini er grivin í Hovi. Porkeri er kend fyri sína sermerktu og vøkru trækirkju frá 1847. Sunnast á oynni liggur Sumba, ið fostrað hevur eitt av Føroya mætastu skaldum, Poul F. Joensen. Á veg til og úr Sumba eftir gamla fjallavegnum er Beinisvørð, 470 m. høgt, Føroya næsthægsta fuglaberg, sum alkent er fyri sín vakurleika.

Suðuroyggin er tann oyggin í Føroyum, sum liggur longst burturi frá meginøkinum. Ferðasamband er sjóvegis við Smyril og luftvegis við tyrluni. Smyril siglir 2-3 ferðir um dagin av Krambatanga og tyrlan flýgur 2-3 ferðir um vikuna úr Froðba. Frástøðan til meginøkið er ein av orsøkunum til, at fólkatalið í Suðuroynni er minkað rættiliga nógv seinastu árini. Fólkatalið í Suðuroy er minkað 16 prosent í árunum frá 1985 til 2007. Í sama tíðarskeiði er talið á fólki undir 20 ár minkað 31,5 prosent, og aldursbólkurin 20 til 39 ár minkaður 24,8 prosent.

Suðuroyarmál er einki sjálvstøðugt tungumál, men eitt føroyskt málføri eins og havnarmál, norðuroyamál, vágamál, o.s.fr.

Navnauppruni[rætta | rætta wikitekst]

Søga[rætta | rætta wikitekst]

Búskapur[rætta | rætta wikitekst]

Ferðavinna[rætta | rætta wikitekst]

Landafrøði[rætta | rætta wikitekst]

Bygdir[rætta | rætta wikitekst]

Sandvík, Hvalba, Trongisvágur, Tvøroyri, Froðba, Øravík, Fámjin, Hov, Porkeri, Vágur, Nes, Akrar, Lopra, Víkarbyrgi, Sumba.

Kirkjur í Suðuroynni[rætta | rætta wikitekst]

  • Sumbiar kirkja
  • Vágs Kirkja
  • Porkeris Kirkja
  • Hovs Kirkja
  • Fámjins Kirkja
  • Tvøroyrar Kirkja
  • Hvalbiar Kirkja
  • Sandvíkar Kirkja
  • Harumframt er kirkjan á Leiti við Lopra, sum er bygt saman við skúlanum.

Ítróttur[rætta | rætta wikitekst]

Viðgitið fólk[rætta | rætta wikitekst]

Myndasavn[rætta | rætta wikitekst]

Slóðir[rætta | rætta wikitekst]

Wikimedia Commons logo
Sí miðlasavnið