Kalsoy

Kalsoy
Landalæra
Vídd	30,4 km²
Vatn	0,0 %
Umsiting
Land	Føroyar
Íbúgvalæra
Fólkatal	147 (2005)
Íbúgvatættleiki	4,8 /km²

Kalsoy er tann vestasta av Norðuroyggjum. Hon er long og smøl og 31 km² til víddar. Hon hevur 4 smáar bygdir, sum eru bundnar saman við vegum og 4 tunnlum. Norðast á oynni var ein drangur, sum nú er burtur. Hann æt Kallurin, og hann hevur givið oynni navn. Best kenda søgnin úr Kalsoynni, er søgnin um Kópakonuna í Mikladali .

Í Kalsoy eru tvær kommunur og fýra bygdir. Talan er um Húsa kommunu, ið fevnir um bygdirnar Húsar og Syðradal, og Mikladals kommunu, sum fevnir um bygdirnar Mikladal og Trøllanes. Í báðum kommununum búgva tilsamans 139 fólk. Í Húsa kommunu búgva 62 fólk, 48 á Húsum og 14 á Syðradali. Í Mikladals kommunu er fólkatalið 77; 53 fólk búgva í Mikladali og 24 á Trøllanesi.

Kalsoy er eitt landbúnaðarøki. Nógv seyðahald er í oynni, og í Mikladals kommunu er eisini nógv neytahald. Har eru eini 40 - 50 neyt, av hesum eru 25 mjólkineyt, sum øll eru á Trøllanesi. Annars eru kalsoyingar til skipsfiskiskap, nakrir arbeiða í Klaksvík, og seinastu árini hevur eisini verið arbeitt við at sambinda allar bygdirnar í oynni við vegum og tunnlum. Tað eru fýra tunnlar í oynni, sum samanlagt hava eina longd uppá 5.500 metrar. Ein smoltstøð er í Knúksdali millum Húsar og Syðradal, og har arbeiða 5 til 10 fólk. Støðin framleiðir 1,7 millión smolt um árið.

Nestindar (788 m.) eru hægsta fjall á Kalsoynni.

Bygdir

• Blankskáli
• Húsar
• Mikladalur
• Syðradalur
• Trøllanes