Tvøroyrar Bóltfelag

Frá Wikipedia, hin frælsa alfrøðin
Tvøroyrar Bóltfelag
Navn Tvøroyrar Bóltfelag
Kelinavn TB
Stovnað 1892
Leikvøllir Trongisvágur
Formaður Føroyar Fróði Olsen
Høvuðsvenjari Føroyar Sigfríður Clementsen
Liga 1. deildin
2022 3. (1. deild)
Heimasíða http://www.tb.fo
Heimavøllur
Útivøllur

Tvøroyrar Bóltfelag ella TB er eitt fótbóltsfelag av Tvøroyri, sum varð stovnað 13. mai 1892. TB er elsta bóltfelag í Føroyum. Umframt at TB er eitt fótbóltsfelag er tað eisini eitt flogbóltsfelag. TB fótbóltur og TB flogbóltur hava tó hvør sína nevnd.[1][2] Onnur ítróttarfeløg á Tvøroyri og økinum kring Trongisvágsfjørð eru Tvøroyrar Borðtennisfelag (TBF), Froðbiar Sóknar Róðrarfelag og Susvim (Susvim er fyri alla oynna).

TB fótbóltur[rætta | rætta wikitekst]

Í 2012 spælir TB aftur í bestu fótbóltsdeildini. TB gjørdist nummar tvey í 1. deild í 2011, FC Suðuroy gjørdist nummar eitt. Tað var sera stórur spenningur um 2. plássið millum TB og AB, men TB vann tann dystin. Bæði liðini endaðu við sama stigatali, sum var 61 stig og við sama málmuni sum var 55, tó hevði TB 81 vunnin mál og 26 tapt mál, meðan AB hevði 80 vunnin og 25 tapt mál. Tað at TB hevði skorað eitt mál meira enn AB, gjørdi at TB flutti upp í bestu deildina og AB bleiv verandi í 1. deild. Í 2010 gjørdist TB nummar 3 í 1. deild. TB hevur vunnið FM heitið 7 ferðir, tað var árini 1943, 1949, 1951, 1976, 1977, 1980 og 1987. TB hevur vunnið Løgmanssteypið (fyrr Ísafjarðarsúlan) 5 ferðir, tað var árini 1956, 1958, 1960, 1961 og 1977.

Fótbóltshópurin hjá besta liðnum[rætta | rætta wikitekst]

TB leikararnir Rógvi Joensen og Bárður Dimon í 1. deildardysti millum TB og FC Suðuroy 17. mai 2011. Dysturin endaði 2-2.

Dagført 7. juli 2016

Viðmerking: Fløgg vísa til landslið, sambært reglunum hjá FIFA. Leikarar kunnu hava meira enn ein ikki-FIFA tjóðskap.

Nr. Pláss Leikari
1 Danmark Casper Radza
3 Føroyar Mi Signar H. Olsen
4 Ísland Ve Árni Rúnar Örvarsson
5 Føroyar Ve Ragnar Joensen
6 Føroyar Mi Rógvi Joensen
7 Føroyar Mi Teitur Justinussen
8 Føroyar Mi Martin Tausen
9 Føroyar Mi Salmundur Bech
10 Niðurlond Ál Albert Adu
11 Føroyar Ve Eirikur Magnusarson
Nr. Pláss Leikari
14 Føroyar Mi Heri Mohr
15 Føroyar Ve Teitur Olsen
17 Føroyar Ve Aron Sörensen
18 Føroyar Ve Heini Mikal Mortensen
19 Gana Ál Kofi Appiah
20 Føroyar Mi Jón Magnusarson
21 Senegal Mi Ndende Adama Guéye
23 Kamerun Ál Hervé Din Din
24 Føroyar Ál Carl Mikkjal Bech
27 Føroyar Ve Jákup Pauli Breckmann

Gamli vøllurin á Sevmýri og nýggi vøllurin við Stórá[rætta | rætta wikitekst]

Síðani TB varð stovnað og til 16. oktober 2010 hevur TB spælt fótbólt á vøllinum á Sevmýri. Vøllurin var blivin skeivur og leyk ikki altjóða krøv. Hann bleiv ikki góðkendur til at spæla fótbólt í vaksnamannadeildum í 2011. Hin 16. oktober 2010 varð seinasti dystur leiktur á Sevmýri, TB, sum tá spældi í 1. deild, spældi ímóti NSÍ og vann dystin 5-2. Í apríl Í 2011 var heimavøllurin hjá TB Á Skørinum í Hvalba. [3] Nýggjur fótbóltsvøllur er gjørdur inni í Trongisvági beint eystanfyri høllina í Trongisvági.[4] Arbeiðið við at gera vøllin í Trongisvági byrjaði í 2011 og væntaðist liðugt áðrenn kappingin byrjaði um mánaðarskiftið mars/apríl 2012 ella í seinasta lagi tá TB fyllir 120 ár 13. mai 2012. Vøllurin bleiv tó ikki klárur til fyrsta landskappingardystin, og teir fyrstu heimadystirnir hjá TB blivu tí spældir á Eiðinum í Vági. Til dystin móti B36 var sjálvur vøllurin liðugur,[5] men hann bleiv ikki góðkendur, m.a. tí at har manglaðu 300 sitipláss, sum er eitt krav til øll feløgini, sum hava lið í bestu fótbóltsdeildini hjá monnum, TB mátti sostatt spæla dystin móti B36 í Vági. Flaggdagin 2012 var arbeiði við at seta 300 setur við at vera liðugt, og 27. apríl varð vøllurin so góðkendur til fótbóltdystir í bestu mansdeildini. Fyrsti landskappingardystur í Effodeildini var dysturin millum TB og ÍF, sum varð leiktur sunnudagin 29. apríl 2012.[6] TB vann henda fyrsta dystin 1-0.

Venjarar hjá TB[rætta | rætta wikitekst]

TB - ÍF í Effodeildini, hetta er fyrsti dysturin ið varð leiktur á Vøllinum við Stórá 29. apríl 2012.
  • Benadikt Valdisson (1984)
  • Per Henning Jensen (1990)
  • Finn Røntved (1991–1992)
  • Dánjal Hovgaard (1993)
  • Jacek Burkhardt (1994)
  • Frank Skytte (1995)
  • Sigvald Steinkross (1995)
  • Rolf Christensen (1996)
  • Zoran Pavlovic (1998)
  • Egill Steinþórsson (1998)
  • Håkon Winther (2001)
  • Milan Cimburovic (2001)
  • Zoran Mancic (2002)
  • Lynge Nielsen (2002)
  • Jón Johannesen (2002)

Keldur[rætta | rætta wikitekst]

  1. TBFlogbóltur.com[deyð leinkja]
  2. "TB.fo". http://www.tb.fo/tidindi.html#/sidur/Nevnd.html. Heintað 2010-12-26. 
  3. Sudurras.info
  4. Portal.fo
  5. TB.fo, Hvar vitja føroyameistararnar
  6. Sudurras.info, TB-ÍF við Stórá

Slóðir[rætta | rætta wikitekst]

Wikimedia Commons logo
Wikimedia Commons logo
Sí miðlasavnið