Tofta Ítróttarfelag

B68
Navn	Tofta Ítróttarfelag, B68
Kelinavn	Reyðu Pantararnir (óalment)
Stovnað	21. desember 1962
Leikvøllir	Svangaskarð
Rúmd	6.000
Formaður	Beinta Mikkelsen
Høvuðsvenjari	Páll Guðlaugsson
Liga	Betrideildin
2022	8.-plass
Heimasíða	http://www.b68.fo
Heimavøllur Útivøllur

B68 kempar her fyri at yvirliva í bestu deildini. Teir manglaðu bert eitt mál. Sjálvt málmaðurin fór fram og royndi at skora.

B68 leikarar í 2012

B68 móti FC Suðuroy í dysti í bestu deildini vesturi á Eiðinum í Vági 2010.

B68 (Fult navn: Tofta Ítróttarfelag) er fótbóltsfelagið á Toftum. Felagið varð stovnað 21. desember 1962.

Søga

Fyrstu 8 árini spældi felagið í meðaldeildini, sum næstbesta deildin tá nevndist. Í 1976 varð føroyska fótbóltskappingin umskipað, og í tíðarskeiðnum 1976-1980 spældi B68 framvegis í næstbestu deildini, sum tá nevndist 2. deild. Í 1980 vann felagið 2. deild, og flutti upp í 1. deild.

Fyrstu ferð felagið royndi seg í bestu deildini var sostatt í 1981, og har spældu teir í samfull 24 ár til 2004, tá teir fluttu niður.

Í 2005 vunnu teir næstbestu deildina, men fluttu beinleiðis niður aftur í 2006. Í 2007 vunnu teir aftur næstbestu deildina, og hava síðani 2008 aftur verið í bestu deildini, sum nú verður rópt Effodeildin.

Í 1984 vann B68 sítt fyrsta føroyameistaraheiti í 1. deild hjá monnum, og árið eftir endurtóku teir hetta bragd. Seinast felagið vann bestu deildina var í 1992.

Í 2012 endaði B68 á einum 9. plássi og flutti niður í 1. deild, har teir spæla í 2013. Teir vóru javnir í stigum við TB og spældu seinasta avgerðandi dystin móti júst TB við Stórá. Kravið var at teir vunnu við í minsta lagi fýra málum, og tað var um reppið at eydnast. Úrslitið av dystinum gjørdist 1-4, B68 fekk øll málini í seinna hálvleiki og tað seinasta í yvirtíðini, men so gekk tíðin undan, og B68 hevði vunnið dystin men tapti stríðið um at varðveita plássið í Effodeildini.

Venjaratoymið

• Venjari: Øssur Hansen
• Hjálparvenjari: Jóhan Petur Poulsen
• Hjálparvenjari: Hans Erik Danielsen
• Liðleiðari: Jógvan Hendrik Johannessen
• Liðleiðari: Trúgvi Súnason í Hjøllum

Føroyameistarar

• 1984
• 1985
• 1992

B68 í Europa

Ár	Kapping	Umfar		Mótstøðulið	Úrslit
1993/94	Champions League	Q		Croatia Zagreb	0-5, 0-6
1996	Intertoto Cup	1		Linzer ASK	0-4
1996	Intertoto Cup	1		Werder Bremen	0-2
1996	Intertoto Cup	1		Djurgården IF	1-5
2001	Intertoto Cup	1		Sporting Lokeren	2-4, 0-0
2002	Intertoto Cup	1		FC St. Gallen	1-5, 0-6
2004-05	UEFA Cup	1Q		FK Ventspils	0-3, 0-8

Keldur

• Portal.fo, Keita og Ndende halda fram í B68.
• FaroeSoccer.com
• Zerozerofootball.com

Slóðir

• B68 Fan
• B68.fo