Saltangará
Saltangará (Heiðarnar) | |
Saltangerå (danskt) | |
Bygd | |
Land | ![]() |
---|---|
Sýsla | Eysturoya sýsla |
Oyggj | Eysturoy |
Kommuna | Runavíkar kommuna |
Íbúgvar | 981 (2015)[1] |
Postnummur | FO-600 |
Markatal | - |
Saltangará er ein bygd í Runavíkar kommunu á eystara armi á Skálafjørðinum. Saltangará, eisini nevndar Heiðarnar, er bygd í 1846. Í bygdini er nógv virksemi. Handils- og vinnulívið blómar. Umleið 60 handlar finnast í kommununi, har flest allir liggja í Saltangará. Handilsmiðdepilin í Runavíkar kommunu skipar saman við Kunningarstovuni í Runavík, fyri ymiskum tiltøkum og lýsingarátøkum árið runt. Stórur partur av vinnulívinum í Eysturoynni er í Runavíkar kommunu og fleiri av hesum virkjum liggja í Saltangará. Við bátahylin í Saltangará liggur Gamli Handil, sum í dag verður brúktur í sambandi við listaframsýningar og onnur mentanartiltøk. Á sama øki stendur eisini eitt gamalt neyst, og í bátahylinum liggur sluppin Høganes, sum verður brúkt til konsertir og tiltøk av ymiskum slagi.
Saltangará er ikki gomul bygd; til í 1960unum vóru einans einstøk hús spjadd í økinum, ið varð kallað í Heiðunum. Við øktu miðsavningini í seinnu helvt av 20. øld gjørdist Saltangará ein stórbygd, ið varð bygd áføst við Glyvrar innanfyri og Runavík uttanfyri. Saltangará er í dag handilsligi miðdepilin í Runavíkar kommunu. Umframt nógvar vinnufyritøkur hava Postverk Føroya, Almannastovan og Toll- og skattstova Føroya deild í Saltangará. Brøðrasamkoman hevur samkomuhúsið Berøa í Saltangará.
Keldur[rætta | rætta wikitekst]
Runavíkar kommuna | |
---|---|
Elduvík | Funningsfjørður | Funningur | Glyvrar | Lambareiði | Lamba | Oyndarfjørður | Rituvík | Runavík | Saltangará | Skálabotnur | Skála | Skipanes | Søldarfjørður | Æðuvík | ![]() |