Runavíkar kommuna

Runavíkar kommuna

Borgarstjóri	Tórbjørn Jacobsen
Vídd	99,9 km2
Íbúgvar	3.794 (2015)
Fólkatættleiki	37,7/km²
Heimasíða	runavik.fo

Runavíkar kommuna er ein kommuna í Eysturoy í Føroyum. Runavíkar kommuna fevnir um bygdirnar Rituvík, Æðuvík, Runavík, Saltangará, Glyvrar, Lamba, Lambareiði, Søldarfjørður, Skipanes, Skálafjørður, Skála, Oyndarfjørður, Funningsfjørð, Funningur og Elduvík. Fólkatalið í Runavíkar kommunu var 1. januar 2005 3.642 íbúgvar. Í dag(2015) er íbúgvaratalið 3.794, sambært heimasíðuni hjá Runavíkar kommunu.

Býráðið

Býráðið 2013-2017

Runavíkar býráð er mannað av 11 limum. Til seinasta býráðsval í 2012 varð Magnus Rasmussen, lærarin og bóndin úr Lamba, stóri atkvøðuslúkarin. Hann varð tískil valdur til borgarstjóra og tók yvir frá fyrrverandi borgarstjóranum Hans Jacob Lamhauge. Men tann 1.Januar 2016 gavst Magnus sum borgarstjóri, vegna at hann varð valdur á ting, og tí tók táverandi varaborgarstjórin, Tórbjørn Jacobsen yvir sum borgarstjóri í Runavíkar kommunu. Hinir 9 býráðslimirnir eru: Helgi L. Petersen, Bárður K. Nielsen, Kári E. Jacobsen, Jónleyg Hammer, Terje B. Vestergaard, Jónhard Danielsen, Hallur Ellingsgaard, Karl Rasmussen og Arnfinn Langaard.

Yvirlit yvir kommununa

Mentanar- og vinnulív í kommununi:

• Vinnulív
  • Bakkafrost
  • Borg
  • MEST
  • AWI Boats
  • UniVice
  • KREA

• Handilslív
  • Handilsfelagið (ein handilsfelagsskapur, ið hevur til endamáls at kunna um felags virksemi í handlunum í Runavík, í Saltangará og á Glyvrum)

• Matvøruhandlar
  • Á
  • FK
  • Bónus

• matstovur
  • MC café
  • Sjókaféin
  • Café Cibo
  • Café Runavík (Hotel Runavík)

• Kioskir
  • Kiosk Vár
  • Magn
  • Effo

Slóðir úteftir

• Runavíkar kommuna
• Borg
• Faroeyard
• AWI Boats service Archived 2007-05-05 at the Wayback Machine
• KREA