Teivan

Jhonghuá Mínguó
Lýðveldið Kina

(Flagg Teivan) (Skjaldarmerki Teivan)
Tjóðarslagorð: Onki
Tjóðsangur: Zhōnghúa míngúo gúogē
Alment mál	Kinesiskt
Høvuðsstaður	Taipei
Presidentur	Chen Shui-bian
Visepresidentur	Annette Lu
Fullveldi	7. desember 1949
Vídd  - tilsamans  - vøtn (%)	36,188 km² 10,34 %
Íbúgvar  - tilsamans 2007  - tættleiki	22 911 292 633.12/km²
Gjaldoyra	Teivanskur dollari (TWD)
Tíðarøki	UTC +8
Økisnavn á alnetinum	.tw
Telefonkota	+886
Spenningur

Lýðveldið Kina ella Teivan, sum í mong ár var partur í Kina, hevur verið avbyrgt frá kinesiska meginlandinum síðan 1949, tá ið tjóðskaparstjórnin flýddi út í oynna, eftir at hon hevði tapt borgarakríggið ímóti kommunistunum. Stýrið í Teivan sigur seg enn verða lógliga stjórnarvaldið í øllum Kina, og Fólkalýðveldið Kina sigur Teivan verða kinverskan landslut. Fá lond hava viðurkent Teivan sum sjálvstøðugt ríki.

Søga

Tá ið portugisiskir sjófarar fyrstu ferð komu til Teivan í 1590, nevndu teir oynna Ilha Formosa ("Oyggin Vakra"), tí hon var so fruktagóð, og fjøllini vóru so vøkur.

Politikkur

Hóast Teivan loysti frá Kina undir borgarakrígnum í 1949, so metir Kina enn, at Teivan er ein partur av Kinesiska Ríkinum, og landið hevur hótt Teivan, hvørja tað hevur haft ætlanir um at taka formelt sjálvstýri.

Fólkið

Upprunafólkið

Langt fyri, at kinverjar komu til Teivans, búðu mong fólkasløg har. Tey talaðu egið mál, men mangir siðir og gerandislív líktist. Kinverjar komu hagar í 17. øld, og sum tíðin leið, løgdu teir oynna undir seg og trokaðu burtur upprunafólkið, ið nú á døgum bara er 2 % av fólkinum í Teivan. Fjølmentasta upprunafólkið nú er amifólkið, sum eru dugnaligir leirkerasmiðir og bøndur. Amifólkið býr í stórum bygdum, og heima eru tað konufólkini, ið ráða.

Átrúnaður

Størstu átrúnaðirnir í Teivan eru buddisma, taoisma og konfusianisma. Hesir átrúnaðir líkjast nógv, og mong fólk trúgva á partar úr øllum trimum. Taoisman, ið tók seg upp í Kina um 300 f.Kr., er vegurin (tao) til einfalt lív og levnað leys av øllum jarðligum strevi. Endamálið hjá taoistum er at liva í samljóði við náttúruna, so at javnvág verður ímillum tann óvirkna kvinnupartin av likaminum (yin) og tann virkna mannpartin (yang).

Hygg eisini at

• Asia