Kuveit

دولة الكويت
Dawlat al-Kuwayt
Lýðveldið Kuveit

(Flagg Kuveit) (Skjaldarmerki Kuveit)
Tjóðarslagorð: Onki
Tjóðsangur: Al-Nasheed Al-Watani
Alment mál	Arabiskt
Høvuðsstaður	Kuwait City
Emír	Sabah Al-Ahmad Al-Jaber Al-Sabah
Forsætisráðharri	Nasser Al-Mohammed Al-Ahmed Al-Sabah
Fullveldi	19. juni 1961 (frá Stóra Bretland)
Vídd  - tilsamans  - vøtn (%)	17,818 km² 0 %
Íbúgvar  - tilsamans 2010  - tættleiki	3,566,437 131/km²
Gjaldoyra	Kuveitiskur dinarur (KWD)
Tíðarøki	UTC +3
Økisnavn á alnetinum	.kw
Telefonkota	+965

Lýðveldið Kuveit (arabiskt; دولة الكويت ella Dawlat al-Kuwayt) er eitt lítið land í Miðeystur. Høvuðsstaður er Kuwait City, og londinum hevur umleið 3,5 millionar íbúgvar. Kuveit hevur mark við tvey lond: Í vesturi hevur Kuveit mark við Saudi-Arabia, í norðri við Irak, og í suðri er Persaflógva.

Søga

Í 1990 tók Irak Kuveit. Innrásin var atvold til Flógvakríggið, tá ið altjóða herlið við Sambandsríki Amerika á odda róku irakar norður um aftur markið.

Búskapur

Stórar oljukeldur hava gjørt Kuveit ovurríkt, og oljuídnaður er høvuðsvinna. Áðrenn olja varð funnin í Kuveit í 1940-árunum, var landið fátækt og lítið framkomið. Men stóri oljuútflutningurin hevur gjørt tað til eitt av ríkastu londum í heiminum. Ovurstóra ríkidømið í Kuveit sæst aftur í til dømis dýrum bilum og stórsligum byggingum, sum vatntornunum í høvuðsstaðnum.

Irakska innrásin var sonn vanlukka fyri Kuveit. Tá ið irakar tóku seg aftur, settu teir eld á nógvar oljubrunnar, og hetta fekk álvarsligar avleiðingar fyri alt har um vegir og búskap landsins. Nógv olja rann í havið, og fuglar og sjódýr doyðu. Nógv spreingievni og óbrostnar minur lógu eftir í oyðimørkini. Enn er ikki liðugt at rudda upp eftir flógvakríggið.

Fólkið

Lívskorini eru góð; fólkið rindar ikki skatt, og skúlagongd, sjúkraviðgerð og mangar aðrar samfelagsveitingar eru ókeypis.

Landafrøði

Kuveit er innast í Persaflógva. Landið er lítið, og meginparturin er oyðimørk.