Geytin

Frá Wikipedia, hin frælsa alfrøðin
Jump to navigation Jump to search

Geytin er ein føroysk filmsvirðisløn, sum Nils Halm, stjóri í Norðurlandahúsinum byrjaði. Fyrsta tiltak var 11. desember í 2012. Filmsvirðislønin hevur verið sjónligasta tiltak at varpa ljós á føroyska filmsgerð. Øll fimm árini, frá 2012 til 2016, var Geyta-tiltakið hildið 11. desember. Í 2017 var einki Geyta-tiltak, tí tað varð flutt til 24. februar í 2018. Í 2018 vóru upphæddirnar á báðum virðislønum hækkaðar, soleiðis at Geytin, ið fyrr var 25.000 nú er 30.000 krónur, og Áskoðaravirðislønin, ið fyrr var 15.000 krónur, nú er 25.000 krónur.

Navnið Geytin[rætta | rætta wikitekst]

Virðislønin er uppkallað eftir Herálvi Geyti (ella eftir Geytanum, sum hann vanliga var nevndur), ið ferðaðist kring oyggjarnar í Føroyum í 1960-árunum og 1970-árunum, og vísti film, har sum eingin biografur var. [1] Geytin var kollfirðingur, føddur í 1914 og deyður í 1985.[2]

Tvær virðislønir[rætta | rætta wikitekst]

Geyta-virðislønin varð fyrstu ferð handað 11. desember 2012 á hátíðarløtu í Norðurlandahúsinum, har allir tilnevndir filmar vóru vístir.[3] Skopuningurin Sakaris Stórá vann fyrstu Geyta-virðislønina fyri filmin Summarnátt, meðan Annika á Lofti vann áskoðaravirðislønina fyri filmin Mist.[4] Talan er um eina høvuðsvirðisløn og eina áskoðaravirðisløn. Tann sum vinnur høvuðsvirðislønina fær pr. 2018 handað 30.000 krónur, ið ein fyritøka letur, í 2018 er tað BankNordik, áður hevur Tryggingarfelagið Føroyar latið hana, og harumframt fær vinnarin eisini eina standmynd, sum Astrid Andreassen og Dávur Geyti hava gjørt, og sum Norðurlandahúsið letur. Tað er ein dómsnevnd við Birgir Kruse úr Filmsfelagnum sum formanni, ið velur vinnaran, ið fær Geyta-virðislønina. Áskoðarnir, sum eru til Geyta-kvøldið í Norðurlandahúsinum, atkvøða fyri tí filminum, ið teimum dáma best, og vinnarin fær áskoðaravirðislønina, ið Tórshavnar kommuna letur, áskoðaravirðislønin er í 2018 25.000 krónur. Frá 2012 til 2016 var hon 15.000 krónur. Tórshavnar kommuna er eins og Norðurlandahúsið altíð umboða í Geyta-dómsnevndini.

Vinnarar[rætta | rætta wikitekst]

Vinnarar av Geytanum[rætta | rætta wikitekst]

Vinnarar av Áskoðaravirðislønini[rætta | rætta wikitekst]

Tilnevndir filmar[rætta | rætta wikitekst]

Tilnevndir filmar 2017[rætta | rætta wikitekst]

  1. Myndamálarin - Gudmund Helmsdal[9]
  2. 111 góðir dagar - Trygvi Danielsen
  3. Skóhorn(y) - Sóley Danielsen og Gudmund Helmsdal
  4. Fisherman - Franklin Henriksen
  5. Frosthvarv - Franklin Henriksen
  6. Maðurin við Blæuni - Maria Tórgarð
  7. Collision Course - Rói Davidsen
  8. Sorte Hunde - Atli Brix Kamban
  9. Wünder Pitsa - Hanus Johannessen

Tilnevndir filmar 2016[rætta | rætta wikitekst]

  1. Óttafet - Nóllywood[10]
  2. Nattens Stjerner - Atli Brix Kamban
  3. Frávik - Maria G. Tórgarð
  4. Bittersweet - Rói Davidsen
  5. Marra - Hans Kristian Eyðunsson Hansen og Torfinnur Jákupsson
  6. Ramblers - Hanus Johannessen
  7. Et knæk - Andrias Høgenni

Tilnevndir filmar 2015[rætta | rætta wikitekst]

21 filmar vóru sendir inn til kappingina um virðislønirnar Geytin og Áskoðaravirðislønin. Av hesum 21 filmunum valdi dómsnevndin 10 filmar, ið vóru sýndir á filmskvøldi í Norðurlandahúsinum 11. desember 2015.

  1. Alda - Franklin Henriksen og Rúna Ingunardóttir, spælifilmur, 7:15 min
  2. At liva við tí - Ása Pálsdóttir og Rebekka Eliasen, heimildarfilmur, 10:17 min
  3. Birting - Leo Lávík, spælifilmur, 10:14 min)
  4. Mítt navn er Adam - Rói Davidsen, 3D animatiónsfilmur, 5:30 min
  5. Gakk tú tryggur - Dávur Djurhuus, spælifilmur, 4:00 min
  6. Tunnan - Jónfinn Stenberg og Jóannes Lamhauge, spælifilmur, 28:00 min
  7. Slitið saman - Sára Wang og Maria Winther Olsen, spælifilmur, 8:00 min
  8. Boys - Sunniva Sundby og Julia í Kálvalíð, heimildarfilmur, 6:45 min
  9. Stina Karina - Andrias Høgenni, spælifilmur, 10:00 min
  10. Dalur - Heiðrikur á Heygum, spælifilmur, 30:00 min

Tilnevndir filmar 2014[rætta | rætta wikitekst]

  1. Risin og Kellingin, stop motion filmur, Helga Djurhuus 4:23
  2. Det mand ikke taler om, hybrid-heimildarfilmur, Andrias Høgenni 25:00
  3. Just another day, heimildarfilmur, Petra Eliasardóttir Mikkelsen, 5:51
  4. Sum einglar vit falla, stuttfilmur, Maria Winther Olsen, 28:00
  5. Autopilot, animatiónsfilmur, Rói Davidsen, 6:00
  6. Gongdin, stuttfilmur, ung á Nollywood, 5:46
  7. Kom og dansa, tragikomedia, Andrias Høgenni, 14:00
  8. Fall for Ewe, skaldsligur heimildarfilmur, Høgni Mohr & Jens Jákup Hansen, 2:29
  9. Podróżnik, stuttfilmur, Franklin Henriksen, 4:48
  10. Skuld, art horror, Heiðrikur á Heygum, 30:00

Tilnevndir filmar 2013[rætta | rætta wikitekst]

  1. Tú, sjónbandalag - Jóannes Lamhauge[11]
  2. Terminal, stuttfilmur - Dávur Djurhuus
  3. Eina, stuttfilmur - Andrias Høgenni
  4. True Love, stuttfilmur - Heiðrik á Heygum
  5. Vetrarmorgun, stuttfilmur - Sakaris Stórá
  6. Munsch, stuttfilmur - Jónfinn Stenberg
  7. Byrta, tónleikavangamynd - Uni L. Hansen
  8. Lítla Ljósið, animatiónsfilmur - Hans Kristian E. Hansen

Eisini varð filmurin Big Places, dokumentarfilmur hjá Thomas Koba, vístur, men var tó ikki við í kappingini um virðislønirnar.

Keldur[rætta | rætta wikitekst]

  1. Invest.fo, Young film maker wins Faroese film award
  2. birkblog.blogspot.com - Geytin 2015
  3. Listinblog.blogspot.com, Og Geytin var latin...
  4. kvf.fo, Nýggjastu føroysku stuttfilmarnir og videoløgini víst í næstu viku
  5. planet.fo, Dávur fekk Geytan og Jónfinn áskoðaravirðislønina
  6. in.fo - Heiðrikur tók alt
  7. kvf.fo - Geytin 2015: Stina Karina betri enn hinar og hinir
  8. Lindenskov, Eirikur (11. desember 2016). "Geytin 2016: Andrias Høgenni fór við øllum". in.fo. http://www.in.fo/news-detail/geytin-2016-andrias-for-vid-oellum/. Heintað 12. desember 2016. 
  9. Lindenskov, Eirikur (18. januar 2018). "Níggju filmar kappast um Geytan". In.fo. http://www.in.fo/news-detail/niggju-filmar-kappast-um-geytan/. Heintað 19. januar 2018. 
  10. Lindenskov, Eirikur (11. desember 2016). "Sjey filmar kappaðust um Geytan". in.fo. http://www.in.fo/news-detail/sjey-filmar-kappadust-um-geytan/. Heintað 12. desember 2016. 
  11. Planet.fo, Átta filmar kappast um Geytan