Stavanger

Frá Wikipedia, hin frælsa alfrøðin
Skjøldur Kort
Skjøldur Staðseting av kommununi í fylkinum Staðseting av fylkinum í Noregi.
Grunddáta
Fylki: Rogaland
Vídd : 241 km²
Íbúgvar: 143 691 (2020)
Staðseting: {{{staðseting}}}
Heimasíða: www.stavanger.kommune.no.kommune.no


Stavanger er tann fjórðstørsti býurin í Noregi og ein mentanarbýur. Býurin hevur 143 691 íbúgvar (2020). Býurin er eyðkendur millum annað fyri træhúsini, stóru frábrigdini í landslagnum og fyri breiða úrvalið av handlum. Økið kring Stavanger hevur eina fjølbroytta og vakra náttúru við høgum fjøllum og langum fjørðum. Stavanger hevur níggju býarpartar, sum eru Finnøy, Rennesøy, Tasta, ‘Eiganes og Våland’, ‘Madla og Kvernervik’, Storhaug, Hundvåg, Hillevåg og Hinna.[1]

Býarpartar i Stavanger

Nógv fólk flytur til Stavangurs. Teir koma serliga at arbeiða í oljuvinnuni, sum er ein altjóðavinna.

Søga[rætta | rætta wikitekst]

Dómkirkjan í Stavangri er líka gomul sum býurin.

Stavanger varð bygdur í 1125 og sama ár varð farið at byggja dómkirkjuna. Nógv sild varð fiskað vestur úr Stavangri, og býurin vaks nógv. Síðani komu seglskipini. Skip úr Stavangri sigldu á øllum heimshøvunum og kastaðu nógv av sær til býin. Síðst í 18. øld, tók nýggjur stórídnaður seg upp: niðursjóðingarvirki. Tað var mest fiskur, sum varð niðursjóðaður. Brislingur og sardinir í dós til útflutnings vóru altíð í nógv ár. Og tá ið eitt niðursjóðingarvirki fyri og annað eftir varð stongt í sekstiárunum og sjeytiárunum, funnu tey olju. Og í Stavangri gjørdu tey skjótt av og búðu seg út til oljuvinnuna. Og Stavangur hevur nú tryggjað sær flestu arbeiðsplássini í oljuvinnuni í Norra.

Landafrøði[rætta | rætta wikitekst]

Stavanger liggur í útsynningshorninum á Noregi. Stavanger er býarkommuna, og mesta lendið er bygt og lagt undir vegir o.tíl. Ein grein av Golfstreyminum tekur tætt fram við Stavangri. Tí eru vetrarnir lýggir. So langt frá miðkringi er tað fáastaðni í Norðurlondum, at vetrarnir eru so lýggir.

Samferðsla[rætta | rætta wikitekst]

Gott samband er bæði við ferðamannaskipi og flogfari, ikki bara við aðrar partar í Noregi, men eisini við útheimin.

Fyri fjørðinum stendur ymiskur stórútbúnaður til oljuídnaðin í Norðsjónum. Fram við bryggjunum við norðara landið og við eystara landið sigla nógv skip. Við sunnara landið er stórur hylur til stuttleikabátar.

Útbúgvingar[rætta | rætta wikitekst]

Í Stavangri eru nógvir skúlar. Har eru skúlar til norsk børn og skúlar til útlendsk børn. Summir skúlar laga seg eftir vinnulívinum, og aðrir skúlar laga seg eftir teimum, sum ætla sær uttanlands at arbeiða. Har er enntá kokkaskúli, har meistarakokkar kunnu fáa sær serútvúgving.

Viðgitið fólk frá Stavanger[rætta | rætta wikitekst]

Vinabýir [2][rætta | rætta wikitekst]

Stavangers vinabýir eru:

Myndasavn[rætta | rætta wikitekst]

Wikimedia Commons logo
Wikimedia Commons logo
Sí miðlasavnið


Keldur[rætta | rætta wikitekst]

  1. "Kommunedeler i Stavanger, utgave 2020 (Norskt)". Stavanger kommune. 24.12.2020. https://www.stavanger.kommune.no/om-stavanger-kommune/bydeler-i-stavanger/.