Bermuda

Bermuda

(Flagg Bermuda) (Skjaldarmerki Bermuda)
Tjóðarslagorð: Quo Fata Ferunt
Tjóðsangur: God Save the Queen
Alment mál	Enskt
Høvuðsstaður	Hamilton
Drotning	Elizabeth II
Forsætisráðharri	E. David Burt
Fullveldi	einki
Vídd  - tilsamans  - vøtn (%)	53,57 km²
Íbúgvar  - tilsamans 2016  - tættleiki	63 779 1191/km²
Gjaldoyra	Bermuda dollari (BMD)
Tíðarøki	UTC -4
Økisnavn á alnetinum	.bm
Telefonkota	+1-441

Bermuda er ein oyggjabólkur sum hoyrir til Bretland, sum liggja í Norðuratlantshavi eystanfyri USA. Nærmasta stað í USA er Cape Hatteras, North Carolina, sum liggur umleið 1030 km í ein útnyrðing frá Bermuda.

Kort av Bermudaoyggjunum. Eini 65.000 fólk búgva í Bermudaoyggjum, ið eru sum hálv Sandoy til víddar.

Oyggjarnar liggja 1.239 kilometrar sunnanfyri Cape Sable Island, Nova Scotia, og 1.770 kilometrar í ein landnyrðing av Miami.

Oyggjarnar eru 53,2 km² til støddar. Í 2010 var fólkatalið 64.268 og fólkatættleikin var 1.275 pr. km². Høvuðsstaðurin eitur Hamilton, tó var St. George tann fyrsti høvuðsstaðurin, og er St. George tann elsti enskt-talandi býurin uttanfyri Stórabretland í heiminum.

Bermuda er tað norðasta og eystasta staðið av Burmuda-trýkantinum, har tað sigst at nógv skip eru gingin burtur og flogfør eru dottin niður á mystiskan hátt.

Søga

Devonshire skansin, teknaður í 1614, teknað av Captain John Smith.

Bermuda oyggjarnar vóru funnar í 1505 av spanska Juan de Bermúdez kapteini, sum oyggjarnar eru uppkallaðar eftir. Í 1609 stovnaði Virginia Company eina búseting á Bermuda, hetta var tvey ár eftir, at sama fyritøka hevði sett á stovn býirinir Virginia og Jamestown á amerikanska kontinentinum. Búsetingin fór fram tá ein ódn herjaði øki og tað søkkandi enska skipið Sea Venture noyddist at stýra á eitt sker har um leiðir, so at manning og ferðafólk kundu fara í land. Virginia Company stýrdi oynni til 1614, tá ein onnur fyritøka Somers Isles Company, tók yvir og hevði ræði á oynni til 1684, tá bretar tóku valdið á oynni.

Í 1707 vóru oyggjarnar alment innlimaðar í Stóra Bretland.

Tíðarlinja

• 1505 – Oyggjarnar vóru funnar av spaniólanum Juan de Bermúdez
• 1609 – Tey fyrstu niðursetufólkini búsettust á Bermuda, tey vóru úr Stórabretlandi
• 1679 – Bermuda gjørdist bretsk koloni, tó ikki alment fyrr enn í 1707
• 1707 - Oyggjarnar vóru alment innlimaðar í Stóra Bretland.
• 1797 – Ein bretsk hernaðarbasa varð bygd á oynni
• 1834 – Trælahald gjørdist ólógligt á Bermuda
• 1968 – Oyggjarnar fingu sjálvstýri

Ítróttur

Ein strond í Bermuda.

Oyggjaleikir

Bermuda er limur í Oyggjaleikunum, har Føroyar eisini eru limir. Oyggjaleikir 2013 verða á Bermuda. Bermuda luttekur eisini á Olympisku Leikunum.

Olymisku Leikirnir

Tey hava eitt nú luttikið í sigling, svimjing, kaving, frælsum ítrótti og triatlon.

Slóðir úteftir

• Almenna heimasíða: gov.bm
• Ferðavinnusíða: gotobermuda.com
• Bermuda, wikivoyage (á enskum)