HM í svimjing á stuttgeil 2012

Frá Wikipedia, hin frælsa alfrøðin
Jump to navigation Jump to search
11. HM í svimjing á stuttgeil
Vertsbýur Istanbul, Turkaland
Dagfestingar 12–16. desember
Svimjihøll(ir) Sinan Erdem Dome
Luttakandi lond 161
Luttakandi ítróttafólk 958
Kappingar 40

11. HM í svimjing á stuttgeil var hildið í Istanbul, Turkaland hin 12–16 desember 2012. USA vann kappingina við 27 heiðursmerkjum, harav 11 gull, 8 silvur og 8 bronsu. Føroyar luttók við 2 svimjarum: Pál Joensen og Birita Debes.[1] Fyri fyrstu ferð í søguni, eydnaðist tað einum føroyingi at vinna eitt heiðursmerki í einari stórari altjóða ítróttargrein. Pál Joensen vann nevniliga silvur í 1500 m frí og skrivaði harvið føroyska ítróttarsøgu. Upprunaliga vann hann eitt bronsuheiðursmerki, men hetta bleiv broytt í juni 2013, tá FINA dopingnevndin tók avgerð í einum máli um danan, Mads Glæsner, sum vísti seg at hava brúkt eitt ólógligt evni.[2] Sambært Mads var hetta ikki við vilja, hann hevði brúkt eitt Vicks næsasprei móti forkølilsi, og visti ikki, at tað var tað amerikanska slagið hann hevði fingið fatur á, og tað er hetta slagið ið innihelt ólógliga evnið Levmetamfetamine.[3] Føroyar kom á heiðursmerkja talvuna á 23. plássi (áðrenn doping dømingina hjá Mads var Føroyar á einum deildum 24. plássi saman við Kekkia og Trinidad/Tobago). Danmark kláraði seg sera væl í hesi kapping og endaði upprunaliga á einum fjórða plássi við 3 gull heiðursmerkjum, harav vann Mads Glæsner eitt gull heiðursmerki í júst somu kapping, sum Pál vann sína bronsu (sum seinni bleiv til silvur) í, men sum nevnt, so mistu danir hetta gull heiðursmerkið umframt eitt bronsuheiðursmerkið, sum Mads hevði vunnið í 400 m frí, og endaðu síðan á 6. plássi.

Heiðursmerkja býtið[rætta | rætta wikitekst]

Nummar Land Gull Silvur Bronsa Í alt
1 Flag of the United States.svgUSA 11 8 8 27
2 Flag of the People's Republic of China.svgKina 3 5 3 11
3 Flag of Hungary.svgUngarn 3 4 3 10
4 Flag of Italy.svgItalia 3 2 0 5
5 Flag of Russia.svgRussland 2 3 4 9
6 Flag of Denmark.svgDanmark 2 2 4 8
7 Flag of Germany.svgTýskland 2 1 1 4
Flag of Japan.svgJapan 2 1 1 4
9 Flag of Lithuania.svg Litava 2 1 0 3
10 Flag of Australia.svgAvstralia 1 5 3 9
11 Flag of the United Kingdom.svgStórabretland 1 2 3 6
12 Flag of South Africa.svg Suðurafrika 1 1 0 2
13 Flag of Spain.svg Spania 1 0 2 3
14 Flag of Brazil.svgBrasil 1 0 1 2
15 Flag of New Zealand.svg Nýsæland 1 0 1 2
Flag of Poland.svgPólland 1 0 1 2
17 Flag of Belarus.svgHvítarussland 1 0 0 1
Flag of Norway.svgNoreg 1 0 0 1
Flag of Ukraine.svgUkraina 1 0 0 1
20 Flag of Jamaica.svg Jamaika 0 2 0 2
Flag of Slovenia.svg Slovenia 0 2 0 2
22 Flag of France.svgFrakland 0 1 1 2
23 Flag of the Faroe Islands.svg Føroyar 0 1 0 1
24 Flag of the Czech Republic.svg Kekkia 0 0 1 1
Flag of Trinidad and Tobago.svg Trinidad og Tobago 0 0 1 1
Tilsamans 40 40 40 120

Keldur[rætta | rætta wikitekst]

  1. Svimjing.com Føroyar millum bestu svimjitjóðir í heiminum
  2. Fina.org PR 47 - FINA Doping Panel Decision: Mr. Mads Glaesner (DEN)
  3. Dr.dk Vicks næsespray skyld i Glæsners dopingdom

Slóðir úteftir[rætta | rætta wikitekst]

Almenn heimasíða
Kappingar úrslit