Foula

Frá Wikipedia, hin frælsa alfrøðin
Far til: navigatión, leita
Foula
gæliskt Fughlaigh
Shetland Foula locator.svg
Landalæra
Vídd 12,6 km²
Vatn - %
Umsiting
Land Flag hjá Hetland Hetland
Íbúgvalæra
Fólkatal 26 (2011)
Íbúgvatættleiki 2 /km²

Foula (eldri nøvn Fugla, Fugløy, skotskt gæliskt Fughlaigh, eisini rópt Uttrie (Útriði) fyrr), er mest fjarskotna oyggin í Hetlandi, samstundis er hon tann hetlendska oyggin ið liggur nærmast Føroyum, 285 km (154 sjómíl) hiðani.

Landslag og djóralív[rætta | rætta wikitekst]

Oyggin er eyðkend av teim 5 tindunum: Soberlie 221 m, The Noup 248 m, Hamnafield 344 m, The Kame 376 m og The Sneug 418 m, sum er hægsta fjallið á oynni. Norðast á oynni er Gaada Stack ein kendur stakkur.

Sum navnið bendir á, er fuglalívið ríkt á oynni, fuglabjørgini vestantil og norðantil á oynni, eru upp í 370 m til hæddar.

Søga[rætta | rætta wikitekst]

Foula var helst tað staðið í Hetlandi, har málið norn var talað longst. So seint sum í 19'du øld, dugdu eldri fólk framvegis at siga setningar á norn, hóast nógv skotskt var blandað uppí málið tá.

Longsti tekstur á norn, Hildinakvæðið (Hildina Ballad) varð niðurskrivað á Foula av G. Low í 1774.

Íbúgvar[rætta | rætta wikitekst]

Foula hevur 26 íbúgvar í teimum báðum bygdunum, Hametoun og Ham á eystursíðuni.

Frá Ham er ferjusamband til Walls og Scalloway á Mainland. Oyggin hevur eisini ein flogvøll, haðani flogsamband er til Tingwall Airport á Mainland.

Myndir[rætta | rætta wikitekst]


Sí eisini[rætta | rætta wikitekst]

Fugloy