Leypár

Leypár er ár, sum er 1 dag longri enn hini árini, eisini kallað skotár. Eyka dagurin verður settur inn í millum 23. og 24. februar. Eyka dagurin er sostatt ikki, sum mong halda, 29. februar. Leypár er 4. hvørt ár. Hesin eyka dagurin kallast leypársmessa og er 24. februar.

Eitt leypár er soleiðis eitt ár við 366 døgum í gregorianska kalendaranum í mun til teir vanligu 365 dagarnar.

Eitt ár er leypár, um árstalið kann býtast við 4. Tó er árið ikki leypár, um árstalið kann býtast við 100. Men um árstalið kann býtast við 400, er tað leypár hóast alt. Soleiðis var ár 1900 ikki leypár, meðan 2000 var.

Í miðal verða av hesum 365, 2425 dagar um árið. Tað er so mikið neyvt, at tað ganga 3571 ár, áðrenn kalendarin er eitt samdøgur skeivur.