Vágs Kappróðrarfelag
Vágs Kappróðrarfelag varð stovnað í juli 1943 og hevur heimstað í Vági. Felagið bygdi neyst yviri í Líðini í 1955.[1]
Kappróðrarbátar
[rætta | rætta wikitekst]Fyrsti kappróðrarbátur hjá felagnum var áttamannafarið Toftaregin, sum varð smíðaður í 1934. Toftaregin varð høvuðsumvældur í 2004. Felagið eigur bátar í øllum støddunum, sum verða nýttar til kappróður. Bátarnir eru hesir:
10-mannafar
- Vágbingur, smíðaður í 1968, Niclas í Koltri smíðaði
- Vágbingur, smíðaður í 2000, Kaj Hammer smíðaði
- Vágbingur, fyrrverandi Kjølur úr Kollafirði, keyptur til Vágs í 2005. Smíðaður í 1997. Hetta var fyrsti báturin, sum Sámal Hansen smíðaði.
8-mannafar
- Toftaregin, smíðaður í 1934
- Toftaregin, Smíðaður 2003, Sámali Hansen smíðaði
6-mannafar
- Smyril, smíðaður í 2003, Sámal Hansen smíðaði. Hesin er nú seldur til Danmarkar.
- Smyril, smíðaður í 1979, Niclas í Koltri smíðaði
- Smyril, smíðaður í 2003, Sámal Hansen smíðaði
- Smyril, smíðaður í 2015, Sámal Hansen smíðaði
5-mannafar
- Falkurin, smíðaður 1962, Símun Hammer smíðaði
- Fiskurin, smíðaður 1964, Gunleif Vestergaard smíðaði
- Royndin Fríða, smíðað 1967, Niclas í Koltri smíðaði
- Royndin Fríða, smíðað 1974, Niclas í Koltri smíðaði
- Royndin Fríða, smíðað 1998, Kaj Hammer smíðaði
- Royndin Fríða, smíðað 2004, Sámal Hansen smíðaði; nú Svalan
- Royndin Fríða, smíðað 2011, Asbjørn Múller smíðaði
- Royndin Fríða, smíðað 2017, Sámal Hansen smíðaði
- Fiskurin (Svanur), smíðaur 2009, Sámal Hansen smíðaði
Føroyameistaraheitið
[rætta | rætta wikitekst]Síðan 1973, tá skipaður FM róður byrjaði, hevur Vágs Kappróðrarfelag vunnið 5 FM heiti:
Nevndin
[rætta | rætta wikitekst]- Rógvi Kærbech, Formaður
- Uni Hammer Egilsnes, Næstformaður
- Karin Strøm, Peningarøkil
- Jónleyð Eyðunsson, Skrivari
- Hans Pauli Dahl, Nevndarlimur
- Helgi "Hegga" Augustinussen, Eykalimur
- Judith Jacobsen, Eykalimur
Myndir
[rætta | rætta wikitekst]
Royndin Fríða, 5-mannafar, myndin er tikin á Jóansøku 2010 í Vági. Royndin Fríða vann dreingjaróðurin tað árið og vann silvur til FM.
Royndin Fríða í jóansøku kappróðrinum 2010.
Royndin Fríða, gentur barnaróður. Tær rógva kapp á Norðoyastevnu 2012, tær blivu nummar trý av sjey bátum.
Smyril á jóansøku 2011
Stevnið á Smyrli. Báturin stendur á Garðabrúgv í Vági.
Dreingirnir á Royndini Fríðu í 2011, hetta var tá teir vunnu Vestanstevnu róðurin hjá 5-mannaførum dreingjum.
Børn og ung, sum róðu við Royndini Fríðu í 2012. Tað vóru tríggjar manningar í 2012: barnaróður gentur, 5-mannafør gentur og 5-mannafør dreingir.
Samstarv um Suðuroyar Kappróðrarfelag
[rætta | rætta wikitekst]
6. september 2011 varð nýtt róðarfelag, sum nevnist Suðuroyar Kappróðrarfelag, stovnað í Suðuroynni. Talan er um eitt felag sum er fyri alla oynna. Tað eru fólk úr Vágs Kappróðrarfelag og Froðbiar Sóknar Róðrarfelag sum hava tikið stig til at stovna hetta nýggja felagið. Ein av orsøkunum til at nýggja felagið bleiv stovnað er tann, at tvøráfólk og vágbingar ikki hava fingið mannað nakað 10-mannafar seinastu árini. Fyrsta árið er meiningin at samstarva um eitt 10-mannafar fyri alla oynna. Nýggja felagið hevði, longu áðrenn tað formliga varð stovnað, bílagt eitt nýtt 10-mannafar frá Sámali Hansen, bátasmiði. Nýggja 10-mannafarið, sum eitur Suðuroyingur luttakur í FM kappróðrinum 2012.[2]
