Kári P. Højgaard

Kári P. Højgaard

Kári Páll Højgaard (føddur 21. juli 1951 á Strondum) er føroyskur politikari, løgtingsmaður og formaður Sjálvstýrisfloksins. Kári er limur í Útnorðurráðnum, har hann eisini var formaður í tíðarskeiðnum 2008-09. Hann hevur verið annar fasti limur í Norðurlandaráðnum. Áðrenn hann gjørdist politikari arbeiddi hann sum postmaður í Eysturoynni frá 1971, áðrenn tað var hann nøkur ár til skips.

Løgtingslimur

Hann varð varamaður á Føroya Løgtingi frá 26. mai 2001 til 30. apríl 2002. Løgtingsmaður frá 30. apríl 2002.

Formaður Sjálvstýrisfloksins

Kári P. Højgaard varð valdur til formann fyri Sjálvstýrisflokkin í 2002. Hann var formaður til oktober 2010, tá Kári á Rógvi gjørdist nýggjur formaður.

Útnorðurráðið

Kári P. Højgaard gjørdist formaður í Útnorðurráðnum í august 2008. Í løtuni (2010) er hann annar næstformaður í Útnorðurráðnum. Føroya Løgting valdi hesi til limir í Útnorðurráðnum í 2008:

• Kári P. Højgaard úr Sjálvstýrisflokkinum
• Andreas Petersen úr Javnaðarflokkinum
• Poul Michelsen úr Folkaflokkinum
• Bergtóra Høgnadóttir Joensen úr Tjóðveldi
• Magni Laksáfoss úr Sambandsflokkinum
• Jenis av Rana úr Miðflokkinum

Nevndarsessir á Føroya Løgtingi

• 2008–2012 Limur í Vinnunevndini
• 2004–2008 Formaður í Landstýrismálanevndini
• 2004–2008 Limur í Fíggjarnevndini
• 2002–2004 Limur í Fíggjarnevndini
• 2002–2004 Limur í Mentanarnevndini
• 2001–2002 Limur í Fíggjarnevndini

Býráðslimur og varaborgmeistari

Kári P. Højgaard var býráðslimur í Runavíkar Býráð 1989-2008. Hann var varaborgarstjóri í tíðarskeiðnum 2005-08. Hann stillaði ikki upp aftur til býráðvalið í 2008.

Keldur

• Løgtingið 150 – Hátíðarrit, bind 2 (2002), s. 290 (PDF)
• Logting.fo
• Council of Runavík
• Norden.org Nordic Council - Official co-operation in the Nordic Region
• Members of the Faroese Parliament

Útvortis ávísingar

• Sjalvstyri.fo
• Norden.org