Lív Næs

Lív Næs (fødd í 1988) er ein føroysk songkvinna og tónleikari, hon spælir guitar. Lív er ættað úr Fuglafirði men býr í løtuni (2013) í Havn, har hon gongur á læraraskúla.

Lívsleið innan tónleik

Lív gjørdist kend í Føroyum sum songkvinna, tá hon sang saman við Niels Midjord. Tey bæði góvu út fløguna Tú skalt eiga morgindagin í 2009. Í 2011 hevur hon luttikið á føroyskum tónleikafestivalum við kvinnutónleikabólkinum Lív & the Zoo, eitt nú framførdu tær á Summarfestivalinum í Klaksvík. Hinar í tónleikabólkinum eru: Jenny J. Kragsteen, Anna Maria Wrae og Maibritt H. Johansen.^[1] Fyrstu ferð tær framførdu var á Sandi í 2011.^[2] Lív hevur eisini framført saman við unnusta sínum Tróndi Enni, tey góvu út stakfløguna Sveimandi í 2011. Tey hava eisini framtført saman, eitt nú á Mentanarnáttini í Havn í 2012.^[3] Tá Lív framførir á ymiskum tiltøkum, hevur hon ofta guitarleikararnar Trónd Enni og Una Debess at spæla guitar saman við sær. Í desember 2009 var Lív gestasangari á útgávukonsert hjá Brandi Enni í Norðurlandahúsinum. Í 2010 var hon sjónvarpsvertur í føroysku barnasendingini Ert tú við?, sum var í 13 pørtum. Í 2012 útgav hon fløguna Keldufar, sum eru yrkingar eftir abba hennara Johannes Andreas Næs. Hann brúkti skaldanavnið Flóvin Flekk og gav út yrkingasavnið Keldufar í 1949. Lív hevur gjørt øll løgini uttan "Meg droymdi", sum er gjørt saman við Trónda Enni og "Urið", sum abbi hennara lesur upp og Finnur Hansen hevur gjørt ljóðmynd til.^[4]

Tónleikaútgávur

Egnar útgávur

Keldufar, 2012. (Yrkingar eftir av abba hennara, Johannes Andreas Næs, sum í ungum døgum nýtti dulnevni "Flóvin Flekk".)^[5]

Útgávur saman við øðrum

Tú skalt eiga morgindagin. Niels Midjord & Lív Næs tulka Alf Proysen, 2009

Stakløg

Sveimandi - Saman við Trónda Enni, 2011

Savnsfløgur saman við øðrum

Frískar Kular Røtur, 2011
Fræls og javnlík, Amnesty International, TUTL, november 2011^[6]

Heiðurslønir og tilnevningar

Tilnevnd Planet Awards 2012 í bólkinum Ársins songkvinna^[7] (Vann ikki)
Tilnevnd Planet Awards 2010 í bólkinum Ársins songkvinna (Vann ikki)

Keldur

↑ Summarfestivalur.fo, Lív & The Zoo^{[deyð leinkja]}
↑ Planet.fo^{[deyð leinkja]}
↑ Trygging.fo, Opið hús á Kongabrúnni
↑ TUTL.com^{[deyð leinkja]} Lív Næs - Keldufar
↑ "Planet.fo, Lív ger tónleik til yrkingar hjá abbanum". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-12-17. https://web.archive.org/web/20121217055638/http://planet.fo/grein/liv_ger_tonleik_til_yrkingar_hja_abbanum. Heintað 2012-12-15.
↑ TUTL.com^{[deyð leinkja]}
↑ Planet.fo Archived 2013-01-22 at the Wayback Machine Hesi eru tilnevnd til Planet Awards 2012

Slóðir

Wikimedia Commons logo

Sí miðlasavnið

»Lív Næs« í Wikimedia Commons.

Lív Næs á MySpace

[1] Summarfestivalur.fo, Lív & The Zoo^{[deyð leinkja]}

[2] Planet.fo^{[deyð leinkja]}

[3] Trygging.fo, Opið hús á Kongabrúnni

[4] TUTL.com^{[deyð leinkja]} Lív Næs - Keldufar

[5] "Planet.fo, Lív ger tónleik til yrkingar hjá abbanum". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-12-17. https://web.archive.org/web/20121217055638/http://planet.fo/grein/liv_ger_tonleik_til_yrkingar_hja_abbanum. Heintað 2012-12-15.

[6] TUTL.com^{[deyð leinkja]}

[7] Planet.fo Archived 2013-01-22 at the Wayback Machine Hesi eru tilnevnd til Planet Awards 2012

[1]

[2]

[3]

[4]

[5]

[6]

[7]