Jógvan Hansen

Jógvan Hansen (føddur 28. desember 1978 í Klaksvík) er føroyskur sangari og guitarleikari, sum býr í Íslandi. Jógvan er útbúgvin hárskeri.

Lívsleið innan tónleik

Vann X-factor í Íslandi

Í 2007 luttók Jógvan í fyrstu X-Factor sendingini hjá íslendingum. Jógvan vann kappingina við 70 % av atkvøðunum.

Söngvakeppni Sjónvarpsins (Eurovision)

Jógvan hevur fleiri ferðir luttikið í íslendsku tónleikakappingini Söngvakeppni Sjónvarpsins, sum er innleiðandi kappingin til evropeisku tónleikakappingina Eurovision, vinnarin av Söngvakeppni Sjónvarpsins sleppur at umboða Ísland í Evrovision. Í 2009 luttók Jóvan við sanginum "I Think The World of You", sangurin kom í finaluna og endaði á einum fjórðaplássi.^[1] Í 2010 luttók Jógvan við sanginum "One More Day". Sangurin gjørdist nummar tvey. Nummar eitt slapp víðari til Eurovision Song Contest í Noregi. Í 2011 luttók hann aftur í íslendsku tónleikakappingini Söngvakeppni Sjónvarpsins, hesaferð við sanginum Ég lofa. Hann kom í finaluna, men vann ikki kappingina. Í januar 2013 luttekur Jógvan fyri fjóru ferð í Söngvakeppni Sjónvarpsins í Íslandi. Hesaferð fer hann at syngja duet saman við 20-ára gomlu Stefanía Svavarsdóttir, tey fara at syngja sangin Til þín.^[2] Jógvan og Stefanía sungu seg í finaluna leygarkvøldið 26. januar 2013. Finalan verður 2. februar 2013 í Hörpuni í Reykjavík.^[3]

2009 - “I Think The World Of You”, endaði á fjórðaplássi
2010 “One More Day”, sangurin endaði næstfremstur
2011 “Ég lofa”, sangurin kom í finaluna
2013 “Til þín” - saman við Stefaníu Svavarsdóttir

Tónleikaútgávur

Saman við øðrum

1998: After These Messages við Aria
2001: Kular Røtur
2009: VINALÖG, eftir Friðrik Ómar og Jógvan Hansen

Egnar útgávur

2007: Jógvan

Tónleikabólkar

Jógvan var forsangari í føroyska tónleikabólkinum Aria í 1990'unum. Bólkurin gav út fløgu í 1998 við heitinum After These Messages. Í 2001 var Jógvan limur í tónleikabólkinum Kular Røtur, sum gav út tríggjar fløgur og tveir videofilmar.

Keldur

↑ [Atlantic Review (blað), várið 2010, útgivið hevur Atlantic Airways]
↑ Planet.fo Archived 2013-01-16 at the Wayback Machine Jógvan kappast aftur í Íslandi
↑ Planet.fo Archived 2013-01-29 at the Wayback Machine Jógvan og Stefanía í finaluni

Eurovisionary.com.
Esctoday.com, Söngvakeppni Sjónvarpsins 2010 - Iceland: Jógvan Hansen speaks to esctoday.com.

Slóðir

[1] [Atlantic Review (blað), várið 2010, útgivið hevur Atlantic Airways]

[2] Planet.fo Archived 2013-01-16 at the Wayback Machine Jógvan kappast aftur í Íslandi

[3] Planet.fo Archived 2013-01-29 at the Wayback Machine Jógvan og Stefanía í finaluni

[1]

[2]

[3]