Hanus G. Johansen

Hanus G. Johansen syngur í Stóra Pakkhúsi í Vági í 2010.

Hanus Gjærdum Johansen, var kendur sum Hanus G. ella Hanus G. Johansen, (føddur í Klaksvík 18. juni 1950., hann andaðist 11. oktober 2025, 75 ára gamal).

Hanus var kendur sum vísusangari og tulkaði millum annað norska yrkjaran Jakob Sande. Hann framførdi onkuntíð við Aldubáruni og sang eisini saman við Frændum. Í 1998 var hann føroyskt innslag á mentanartiltaki í økinum kring Flekkefjord í Noregi.

Hanus gjørdi løg til yrkingar síðani síðst í 70-árunum og hann metti, at hann tilsamans gjørdi løg til áleið 250 yrkingar. Hann var serliga kendur fyri at tulka yrkingarnar hjá kenda føroyska skaldinum Poul F. Joensen. Hanus gjørdi løg til áleið 90 yrkingar hjá Hargaskaldinum. Hann gav út LP og kasettuband í 1988, sum nevndist "Gaman og álvara - Hanus syngur Poul F." Henda útgáva kom út sum fløga (CD) 20 ár seinni í 2008.

Útgávur

• Hanus G. og Cantabile: Heitur kossur. 2015. Fløga við 12 kærleikssangum, Pauli í Sandagerði útsetti allir sangirnir. Yrkingar eftir Janus Djurhuus, Gunnar Dahl-Olsen, Pól F. Joensen, Karsten Hoydal, Pär Lagerkvist, Rikard Long, Hans J. Glerfoss, T.N. Djurhuus, Bernhard Brim og J.J. í Gerði.
• Á fold eru túsund gudar - Yrkingar eftir Poul F. Joensen, Hanus hevur gjørt løgini. Útgávudagur 18. november 2012 á føðingardegnum hjá Poul F.
• Hørpuspælarin, Hanus syngur Poul F. yrkingar, 2010. Henda fløgan hevur fingið bestu ummæli og sigst at vera ein varði í Føroya tónlistasøgu.
• "Eitt blað eg á kann skriva", Juni 2010, EP-fløga við løgum eftir Hanus G. Johansen og tekstum eftir Hans Jákup Glerfoss. Fløgan kom út tann dagin Hanus fylti 60 ár á hátíðarhaldi í Norðurlandahúsinum.
• Hanus G. Johansen & Aldubáran - "frå leddigen - Jakob Sande-dikt i færøysk tonedrakt. CD, útgivin 2006, 100 ár eftir at Jakob Sande varð føddur.
• Bouquet - Hanus G. Johansen & Aldubáran. CD, útgivin 2000, tað árið Hanus fylti 50 ár.
• Nósi - Kristian Blak (Barnafløga)
• Ung um aldarmóti (1985).
• Gaman og álvara - Hanus syngur Poul F. LP og kassetuband í 1988. CD í 2008.
• Syng bara við - Kristian Blak & children. Upprunaliga útgivin sum LP í 1985, seinni útgivin sum CD.

Heiður

• 2024 - FMA 2024 - Ársins tónleikaheiður.
• 2020 - Mentanarvirðisløn Landsins 2019 fyri sang- og tónleikaavrik síni.
• 2016 - Tilnevndur FMA saman við Cantabile í bólkinum Ársins tónleikaútgáva
• 2016 - Tilnevndur FMA saman við Cantabile í bólkinum Ársins sangur (Saknur, yrking eftir Pól F. Joensen)
• 2013 - Listavirðisløn Nólsoyar Páls á 75.000 krónur
• 2012 - Sømdargáva landsins (árlig upphædd á 20.000 kr. restina av lívinum, fyrstu ferð í 2013)
• Tilnevndur til Planet Awards 2012 í bólkinum Ársins einstaklingur
• Tilnevndur til Planet Awards 2010 í bólkinum Ársins einstaklingur/bólkur
• Tilnevndur til Planet Awards 2010 í bólkinum Besta útgáva við fløguni Hørpuspælarin
• Listavirðisløn Miðlahúsins

Slóðir úteftir

• Turið Justinussen: "Tá tað rann saman millum Hanus G. og Pól F. - Dimmalætting". 29. oktober 2018. Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2020-05-13. https://archive.ph/iUJu6. 
• Færøykveld med Hanus Johansen på Galleri Rustica, maalmannen.no, 12. mars 2018
• "frå leddiken - aldubaran.com". 2012-01-11. Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-09-26. https://archive.ph/N7NIh. 
• Hanus G. Johansen, myspace.com
• "Hanus G. Johansen SΛNGTEKSTIR". 2013-06-30. Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-06-30. https://archive.ph/KOqTo. 
• Hanus G. farin um sýn, in.fo, 11. 10. 2025
• Hanus G. Johansen deyður, in.fo, 11. 10. 2025
• Hanus G. deyður, 75 ára gamal, kvf.fo, 11. 10. 2025
• KVØÐA: Hanus tulkaði eins væl kærleikans sum spottarans kvæði, kvf.fo, 11. 10. 2025
• Tónleikarar siga sína meining um Hanus G. Johansen, in.fo, 19. 10. 2025