Mona Simonsen
Mona Simonsen (fødd 14. mai 1991 á Tvøroyri) er føroyskur svimjari. Mona klárar seg best í frísvimjing, hon svimur fyri Susvim og fyri Føroyar.
Innihaldsyvirlit |
Úrslit [rætta]
EM á stuttbana í Istanbul 2009 [rætta]
Mona Simonsen svam fyri Føroyar um Europameistaraheitið á stuttbana fyri kvinnur í 800 metrum frí á svimjistevnu í Istanbul í Turkalandi. Mona gjørdist nummar 17 við tíðini 9:06.66.[1]
Oyggjaleikir 2009 [rætta]
Mona Simonsen svam fyri Føroyar á Oyggjaleikum 2009 á Álandi. Hon vann 3 gull heiðursmerki, tey vóru í 800 metrar frí, 400 metrar frí og 4x50 m frí. Harumframt vann hon eisini bronsu í 200 metrar frí hjá kvinnum.
Føroyskt met á 1500 frí á DM á stuttbana [rætta]
Mona Simonsen svam í kapping í Danmark DM á stuttbana. Mona gjørdist nummar 7 í kappingini, men samstundis betraði hon tað føroyska metið við 20 sekundum við tíðini 17:23.25.
HM í Manchester 2008 [rætta]
Mona Simonsen svam fyri Føroyar til HM í Manchester í Onglandi í apríl 2008. Hon svam 800 metrar frí í tíðini 9:13.50, sum var skjótari enn tilmeldingartíðin, men ikki tað skjótasta sum hon hevði svomið. Mona svam eisini 400 metrar frí, hon svam við tíðini 4.31.33, sum var 3½ sekund verri enn tilmeldingartíðin.
Kláraði kravtíðirnar til HM 2008 [rætta]
Mona Simonsen luttók á Susvim stevnuni í mars 2008. Hon svam 400 metrar frí í tíðini 4:27.96, so hon kláraði kravtíðina til HM seinna sama ár.
EM á stuttbana í Ungarn 2007 [rætta]
Mona Simonsen svam fyri Føroyar til Europameistara kappingina á stuttbana, sum var í Ungarn (Debrecen) í desember 2007. Mona gjørdist nummar 12 í 800 metrar frí við tíðini 9:13.50.
Oyggjaleikir 2007 [rætta]
Mona svam fyri Føroyar á Oyggjaleikum 2007 á Rhodos í Grikkalandi. Mona vann 4 gull heiðursmerki fyri Føroyar og eitt bronsu merki. Gull heiðursmerkini vann hon í hesum teinum (allir teinar eru fyri kvinnur): 4x50 metrar frí, 4x100 metrar frí, 4x50 m blandað og 4x100 m blandað. Bronsu heiðursmerkið vann hon í 800 metrar frí.[2]
Keldur [rætta]
Útvortis ávísingar [rætta]
- Susvim.mono.net, Suðuroyar Svimjifelag (SUSVIM)
- Svimjing.com
- SSF.fo, Svimjisamband Føroya
