Suðuroyar Sparikassi
Suðuroyar Sparikassi er ein banki við høvuðssæti í Vági í Suðuroynni. Suðuroyar Sparikassi er minsti peningastovnur í Føroyum. Suðuroyar Sparikassi hevur í dag tvær deildir: 1 í Vági (høvuðssæti) og 1 í Tórshavn. 17 ársverk vóru í sparikassanum í 2011. Fíggjarjavnin hjá Suðuroyar Sparikassa var 700 mió. kr. við ársenda 2011, harav útlán vóru fyri 478 mió.kr. Søren L. Bruhn er stjóri í Suðuroyar Sparikassa.[1]
Søgan
[rætta | rætta wikitekst]Suðuroyar Sparikassi varð stovnaður 20. mars 1943, og fór hann undir virksemi sítt 1. oktober 1943. Oddamaðurin at stovna Suðuroyar Sparikassa var Petur Dahl á Gørðunum. Ætlanin var upprunaliga at fáa ein banka at opna eina deild í Vági, men hetta var av ongum, og tí var avgjørt at stovna ein sparikassa ístaðin. Fyrsti stjórin var Peter Dahl (1911-1996), ið var stjóri frá bankin læt upp í 1943 og til 1980.
Nógvu fyrstu árini var bara deild í Vági, men í 1985 var opnað deild í Porkeri, í 1998 í Tórshavn og í 2006 á Tvøroyri. Deildirnar í Porkeri og Tvøroyri eru tó seinni latnar aftur, so at í dag eru bara deildir í Vági og Tórshavn.
Fram til 2006 var Suðuroyar Sparikassi skipaður sum ein sparikassi, men síðani 2006 hevur hann verið skipaður sum banki ístaðin.[2]
Stjórar í Suðuroyar Sparikassa
[rætta | rætta wikitekst]
Stjórar í Suðuroyar Sparikassa hava verið:
| Stjóri | Frá | Til |
|---|---|---|
| Petur Dahl | 1943 | 1980[3] |
| Páll Augustinussen og Ásla Joensen[4] | 1980 | 1985 |
| Mikkjal Sørensen | 1985 | 2005 |
| Søren L. Bruhn [5] | 2005 | - |
Nevndin
[rætta | rætta wikitekst]Nevndin í Suðuroyar Sparikassa P/F er manna við 5 limum. Síðan aðalfundin 30. apríl 2012 hevur nevndin sæð soleiðis út:
- Hans Petur Joensen, formaður, Útbúgving: HA og HD. Fíggjarleiðari hjá Strandfaraskip Landsins.
- Gudfinn Olsen, næstformaður, Útbúgving: cand. polyt., Lærari á Miðnámsskúlanum í Suðuroy.
- Malfriður Danberg, Útbúgving: Bankaútbúgving, Bókhaldari hjá Vágs Timburhandli.
- Óli Holm, Útbúgving: Fólkaskúlalærari. Fyrrv. varaskúlastjóri í Vágs skúla, stjórí í Sp/f Gjógvará, stjóri í P/F 21. juli 2009, stjóri í Sp/f Suður Farmur.
- Mannbjørn Tausen, Útbúgving: Roknskaparfólk, Roknskaparleiðari hjá Suðuroyar Sparikassa.
Nevndarformenn
[rætta | rætta wikitekst]- 2012- Hans Petur Joensen, Vágur
- 1977-2012 Lars Djurhuus, Porkeri
- -1977 ?
Sí eisini
[rætta | rætta wikitekst]Keldur
[rætta | rætta wikitekst]- ↑ "Ársroknskapurin 2011 hjá Suðuroyar Sparikassa". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2020-11-30. https://web.archive.org/web/20201130102224/https://ss.fo/myfiles/files/Arsfras%C3%B8gnir/%C3%81rsroknskapurin%202011.pdf. Heintað 2012-08-14.
- ↑ "www.ss.fo "Suðuroyar Sparikassi stovnaður"". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2014-07-28. https://web.archive.org/web/20140728064157/http://ss.fo/suduroyar+sparikassi+stovnadur.html. Heintað 2012-08-14.
- ↑ "SS.fo, Suðuroyar Sparikassi stovnaður". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-02-14. https://web.archive.org/web/20130214044122/http://www.ss.fo/suduroyar+sparikassi+stovnadur.html. Heintað 2013-12-22.
- ↑ Bókin: Suðuroyar Sparikassi - 50 ára minningarrit - Eftir Poul Andreassen, 1993.
- ↑ www.ss.fo: "Stjórn"
Les eisini
[rætta | rætta wikitekst]- Andreasen, Poul: Suðuroyar Sparikassi: 50 ára minningarrit, 1993
Uttanhýsis slóðir
[rætta | rætta wikitekst]www.ss.fo Heimasíðan hjá Suðuroyar Sparikassa