Kári Sverrisson
Kári Sverrisson er ein føroyskur tónleikari, sangari, sangskrivari og tónasmiður. Eru vit til, spurdi Kári Sverrisson í sanginum, á Amnesty International fløguni fyri sløkum 15 árum síðani. Tað var tað fyrsta, sum føroyingar veruliga hoyrdu til sangskrivaran og sangaran Kára Sverrisson. Kári var sentralur limur í tónleikabólkinum Enekk, sum var ein tann mest nýskapandi bólkurin í føroyskari tónleikasøgu. Sum einstaklingur hevur Kári javnan framførslur við tónleiki hjá sær sjálvum og øðrum. Hann er ein gávaður og nýskapandi sangskrivari, sum telist millum teir størstu vísusangararnar, sum Føroyar hava átt. Røddin er sera egin og hann var millum uppskotini til besta sangara á Planet Awards. Á Asfalt hevur Kári fingið Føroya besta botn við sær. Føroya besti trummuleikari sambært AME Rógvi á Rógvu og Føroya besti bassleikari somuleiðis sambært AME Arnold Ludvig vóru við til at gera framførsluna til eina bólkaframførslu.
Útgávur
[rætta | rætta wikitekst]Egnar útgávur
[rætta | rætta wikitekst]- 1999 Teir sjey svanirnir og onnur føroysk ævintýr CD 2002.
- 2003 Við heimsins dyr.
- 2003 A taka v/ Valeri Dimchev og Desislava Dimcheva.
- 2013 Nøkur fá fet afturat, Kári Sverrisson hevur lagt lag til yrkingar eftir Jóanes Nielsen
Umframt
[rætta | rætta wikitekst]- 1996 Øll hava veingir.
- 1996 Meg minnist eina mynd (skering 15)
- 1997 Flúgvandi biðil (skering 24)
- 1998 Green Gate Green Gate.
- 2003 Sóljudansir ymisk.
- 2005 Koma Petur Pólson.
- 2007 Livandi Oyða ORKA.
Við Bendum spónum
[rætta | rætta wikitekst]- 2013 Hvussu bendir mann spónir?
Heiður
[rætta | rætta wikitekst]- 2014 - Vann heiðurin sum Ársins tekstur á Faroese Music Awards, Jóanes Nielsen hevði skrivað tekstin til sangin Lívið er júst sum tað er, sum Kári Sverrisson hevur gjørt lag til og syngur
- 2014 - Tilnevndur sum Ársins sangari ella einleikari á Faroese Music Awards í Rock/Málm, Jazz, Blues og Folk bólkinum (vann ikki)
- 2014 - Kári Sverrisson & Bendar Spónir tilnevd sum Ársins bólkur ella einstaklingur (vann ikki)
- 2014 - Kári Sverrisson & Bendar Spónir tilnevd sum Ársins fløga í bólkinum Rock/Málm, Jazz, Blues og Folk fyri Nøkur fá fet aftrat (vann ikki)
- 2014 - Kári Sverrisson & Bendar Spónir tilnevd sum Ársins sangur í bólkinum Rock/Málm, Jazz, Blues og Folk fyri Stóra lívmóðurin (vann ikki)
- 2014 - Kári Sverrisson & Bendar Spónir tilnevd sum Ársins einleikari ella bólkur í Opna bólkinum (vann ikki)
- 2014 - Kári Sverrisson & Bendar Spónir tilnevd sum Ársins lag/verk í Opna bólkinum (vann ikki)
