Stýrisskipan

Ein stýriskipan er mátin eitt land verður stýrt. Ikki tvey lond í heiminum verða stýrd júst á sama hátt, tí at hvørt land sær, sum tíðin hevur liðið, hevur gjørt sær sína stýrisskipan, ið hóskar best til søgu landsins, fólkið og mentan. Men til ber at býta stýrisskipanirnar sundir í høvuðsbólkar. Í Føroyum hava vit t.d. heimastýri, í Danmark er stýrisskipanarligt kongsstýri, í Italia er tjóðveldi og í Norðurkorea er einaveldi. Í hvørjum bólki eru aftur mong frábrigdi. Í summum londum er skiftisstýri - farið verður frá einum stýri til eitt annað, hetta var t.d. galdandi í Eritrea, har skift varð frá hjálandastýri til fólkaræðiliga fleirflokkaskipan.