Katrin Ottarsdóttir
Frá Wikipedia, hin frælsa alfrøðin
Katrin Ottarsdóttir (f. 22. mai 1957 í Tórshavn) er føroyskur leikstjóri, leikrithøvundur, sjónleikari og rithøvundur. Í 1976 flutti hon til Danmarkar, har hon nam útbúgving á Den Danske Filmskole. Í 1982 var hon fyrsti føroyingur, sum hevði lokið útbúgving frá Danska Filmskúlanum. Við sínum 7 filmum fyllir hon nógv í føroyskari filmssøgu. Í 2011 debuteraði hon sum skald, fyrst tá hon gav út nakrar yrkingar í tíðarritinum Vencili nummar 9 í juni 2011,[1] og síðan tá hon gav út sítt fyrsta yrkingasavn á Mentunargrunni Studentafelagsins í 2012.[2] Yrkingasavnið hevur heitið Eru koparrør í himmiríki?
Innihaldsyvirlit |
Leikstjóri [rætta]
- 2009 - Sporini vaksa úr orðum. Eitt portrett av rithøvundinum Jóanesi Nielsen.
- 2008 - Ein regla um dagin má vera nokk!. Eitt portrett av yrkjaranum, myndlistamanninum og tónleikaranum Tóroddi Poulsen.
- 2008 - Eingin kann gera tað perfekta. Eitt portrett av myndahøggaranum Hans Paula Olsen.
- 1999 - Bye Bye Blue Bird.
- 1995 - Maðurin ið slapp at fara. Í 2011 bar eisini til at síggja filmin á internetinum við enskum undirteksti.[3]
- 1991 - Hannis (partur av Ævintýr av Norðurleiðum).
- 1989 - Atlantic Rhapsody - 52 scener fra Tórshavn.[4]
Bókaútgávur [rætta]
- 2012 - Eru koparrør í himmiríki. Yrkingasavn, 51 síður. Mentunargrunnur Studentafelagsins.[5]
Heiður [rætta]
- 1989 - Vann 1. virðisløn fyri filmin Atlantic Rhapsody á týska filmfestivalinum Nordische Filmtage í Lübeck.
- 1999 - Vann 1. virðisløn fyri filmin Bye bye bluebird á týska filmfestivalinum Nordische Filmtage í Lübeck.
- 2000 - Vann Tiger Award á altjóða filmfestivalinum í Rotterdam. Dóttir Katrina, Hildigunn Eyðfinnsdóttir (fødd 1975) spælir høvuðsleiklutin í filminum.
- 2007 - Fekk mentanarvirðisløn landsins frá Mentanargrunni Landsins, sum hon brúkti til at gera eina trilogi av filmsportrettum yvir tríggjar føroyskar listarmenn: Um myndahøggaran Hans Paula Olsen (2008), um skaldið og listamannin Tórodd Poulsen (2008) og um rithøvundan og skaldið Jóanes Nielsen (2009).
Keldur [rætta]
- ↑ Vencil.wordpress.com Fremmandu orðini avdúka aldri alt
- ↑ Hnj.fo Eru koparrør í himmiríki
- ↑ Aktuelt.fo, Føroyskur filmur á netinum
- ↑ Akas.imdb.com (The Internet Movie Database) Katrin Ottarsdottir
- ↑ Hnj.fo
