Jóanes Nielsen

Frá Wikipedia, hin frælsa alfrøðin

Jóanes Sekjær Nielsen (5. apríl 1953 í Havn) var føddur í Havn í 1953, og har vaks hann upp. Hann hevur verið sjómaður og arbeiðsmaður. Eisini hevur hann starvast sum rithøvundur burturav. Jóanes hevur roynt seg í fleiri ymiskum tekstasløgum. Hann hevur skrivað yrkingar, stuttsøgur, skaldsøgur, greinasøvn og leikir. Hann lýsir m.a. verkafólkið og teirra lívstreytir, stættamun, kúgan og órættvísi. Hann er stundum speirekandi og satiriskur, men hann er eisini skemtandi og lívsjáttandi og lýsir inniligar og eymar kenslur.

[rætta] Útgivið

• 1978 - Trettandi mánaðin (yrkingarsavn)
• 1984 - Pinnabrenni til sosialismuna (yrkingarsavn)
• 1985 - Tjøraðu plankarnir stevna inn í dreymin (yrkingarsavn)
• 1986 - Á landamørkum vaksa blomstur (stuttsøgusavn)
• 1987 - Naglar í jarðarinnar hús (yrkingarsavn)
• 1991 - Gummistivlarnir eru tær einastu tempulsúlurnar sum vit eiga í Føroyum (skaldsøga)
• 1993 - Kirkjurnar á havsins botni (yrkingarsavn)
• 1994 - Undergroundting (greinasavn)
• 1999 - Undergroundting 2 (greinasavn)
• 2002 - Eitur nakað land week-end ? (sjónleikur)
• 2002 - Brúgvar av svongum orðum (yrkingar)
• 2005 - Glansbílætasamlararnir (skaldsøga)
• 2009 - Aftan á undrið (sjónleikur)

[rætta] Heiðurslønir

• 1984 - M.A. Jacobsens Heiðursløn fyri "Pinnabrenni til sosialismuna"
• 2002 - Nordisk Dramatikerpris fyri "Eitur nakað land week-end ?"