Viðoy

Frá Wikipedia, hin frælsa alfrøðin
Viðoy
Landafrøði

Vídd 40,4 km²
Vatn 0,0 %

Umsiting
Land  Føroyar
Íbúgvalæra
Fólkatal 597 (2013)
Íbúgvatættleiki 16,2 /km²

Viðoy er ein oyggj í Føroyum, sum liggur í oyggjabólkinum ið verður nevndur Norðoyggjar, hon er 40,4 m2 til víddar. Viðoy hevur navn eftir tí nógva rekaviði, sum kemur á land í Viðvík á eystursíðuni á oynni. Høvuðsbygdin er Viðareiði, sum er kend fyri sín náttúruvakurleika og hevur verið prestasæti frá fornari tíð. Viðareiði er norðasta bygd í Føroyum. Norðan fyri bygdina røkkur Villingadalsfjall upp í 844 m hædd, tað hægsta fjallið í Norðuroyggjum og nr. 3 í Føroyum. Norðurendin á Viðoynni er Enniberg, sum reisur seg sum ein 754 m høgur og steyrrættur múrur upp frá sjónum. Sagt verður at Enniberg er eitt tað brattasta forberg í verðini, og tað hægsta í Evropa, sum liggur við opið hav. Viðoy er norðasta oyggj í Føroyum.

Í august og september hoyrdust ógvuslig buldur á Viðoynni, á Viðareiði, og fólk føldu eisini ristingar við hvørt. Jarðfeingi var har norður og royndi at finna eina orsøk til buldrini og ristingarnar, men tey funnu onga orsøk. Buldrini hildu uppat aftur, eftir at hava vart í nakrar vikur.[1]

Bygdir[rætta | rætta wikitekst]

Á Viðoy eru tvær bygdir – Viðareiði norðanfyri og Hvannasund longur suðuri.

Keldur[rætta | rætta wikitekst]

  1. Aktuelt.fo, Viðareiði: Tað buldrar enn undir bygdini[deyð leinkja]
Wikimedia Commons logo
Wikimedia Commons logo
Sí miðlasavnið