Turið S. Christiansen
Turið S. Christiansen (fødd 1996, úr Leirvík) er ein føroyskur svimjari, sum svimur fyri Ægir og Føroyar. Hon hevur fyrr svomið fyri Svimjifelagið Reki úr Leirvík, sum í 2010 legði saman við Skeggjar, nýggja felagið fekk navnið Reysti.
Lívsleið innan svimjing
[rætta | rætta wikitekst]FM/JM í svimjing 2013
[rætta | rætta wikitekst]- Gull í 4 x 100 m blandað við tíðini 4:25.43, sum var nýtt føroyskt seniormet. Hinar tríggjar vóru: Birita Debes, Astrið Foldarskarð og Cecilia Eysturdal
- Silvur í 100 m bringu við tíðini 1:17.36[1]
- Bronsa í 200 m blandað við tíðini 2:29.48. Hon hevur fyrr sett juniormet við tíðini 2:23.95[2]
Oyggjaleikir 2011
[rætta | rætta wikitekst]- Gull í 200 m bringu[3]
- Silvur í 4 x 100 m blandað
Ægir-stevna 2011 - føroyskt seniormet
[rætta | rætta wikitekst]Á Ægir stevnu í 2011 setti Turið føroyskt seniormet í 200 m bringu við tíðini 2:37.64, har føroyska metið hjá henni frá úttøkustevnuni til Oyggjaleikir í apríl mánaða 2011 var 2:38.31
Reykjavík International Games 2010
[rætta | rætta wikitekst]Turið luttók á svimjustevnuni Reykjavík International Games 2010 í Íslandi í 2010. Hon setti føroyskt seniormet í 200 m bringu tvær ferðir, hon vann gull á hesum teininum í hennara árgangi.[4]
- Gull í 200 m bringu
- Silvur í 50 m bringu
- Silvur í 400 m blandað
DM 2007
[rætta | rætta wikitekst]Fleiri føroyskir barnasvimjarar luttóku á DÅM (Danmarks Årgangs Mesterskaber) í 2007. Besta úrslit hjá føroyingum varð eitt annaðpláss til Turið S. Christiansen í 200 bringu fyri gentur 11 ár og yngri, hon svam við tíðini 3:14.73.[5]
Keldur
[rætta | rætta wikitekst]- ↑ Livetiming.dk Kapping 19, 100m Bringusvimjing Kvinn, Finalur, Senior
- ↑ Livetiming.dk Kapping 3, 200m Blandað Kvinnur, Finalur, Senior
- ↑ Natwestiowresults2011.com
- ↑ Svimjing.com Turið knústi føroyska metið í 200 bringu
- ↑ Svimjing.com Turið nr 2 í 200 bringu