Petteri Orpo

Petteri Orpo í 2023.

Floksforfólk hjá stjórnarsamgonguni í juni 2023: Sari Essayah (Kristindemokratar, landbúnaðarmálaráðharri), Riikka Purra (Sannir Finnar, varaforsætisráðharri og fíggjarmálaráðharri), Petteri Orpo (Savningarflokkurin, forsætisráðharri) og Anna-Maja Henriksson (Svensk Folkeparti, útbúgvingamálaráharri).

Petteri Orpo (føddur 3. november 1969 í Kjulo í Satakunta) er finskur liberalur-konservativur politikari (Savningarflokkurin). Síðan 20. juni 2023 er hann forsætisráðharri í Finnlandi.

Hann var innanríkisráðharri frá 2015 til 2016 og fíggjarmálaráðharri frá 2016 til 2019. Síðan 2016 er hann formaður í Savningarflokkinum.

Tann 20. juni 2023 tók hann við sum forsætisráðharri í Finnlandi. Hann er avloysari fyri ta 37 ára gomlu javnaðarkvinnuna Sanna Marin. Áður hevði hann funnið semju um at skipa eina høgrasinnaða stjórnarsamgongu í Finnlandi. Umframt Savningarflokkin eru tjóðskaparligi flokkurin Sannir Finnar eins og Svensk Folkeparti og Kristindemokratarnir við í stjórnarsamgonguni.

Ávísingar úteftir

• Almenna heimasíðan:
  • Petteri Orpo (á finskum)
  • Petteri Orpo (á svenskum)
  • Petteri Orpo (á enskum)
• Nýggjur forsætisráðharri í Finnlandi, kvf.fo, 20.06.2023