Lív E. Eidesgaard

Lív E. Eidesgaard

Persónlig kunning
Tjóðskapur	Føroyar
Fødd(ur)	1999
Ítróttur
Ítróttur	Svimjing
Svimjiháttur	Frí
Felag	Havnar Svimjifelag
Heiðursmerkjayvirlit Oyggjaleikir 2015 Jersey 4x50 m frí 2015 Jersey 4x100 m frí

Lív Erlingsdóttir Eidesgaard (fødd 1999) er ein føroyskur svimjari, sum svimur fyri Havnar Svimjifelag og Føroyska svimjilandsliðið.

Lívsleið innan svimjing

Oyggjaleikir 2015

• Silvur í 4x50 m frí við tíðini 1:47.40, saman við Astrið Foldarskarð, Sáru R. Nysted og Vár Eidesgaard
• Bronsa í 4x100 m frí við tíðini 3:54.02, sum var nýtt føroyskt landsliðsmet, hinar vóru Signhild Joensen, Astrið Foldarskarð og Sára Ryggshamar Nysted.

European Games 2015

Lív var ein av fimm føroyskum luttakarum til fyrstu Evropeiskir leikir, sum verða hildnir í Baku í juni 2015. Bert ungir svimjarar sluppu at luttaka fyri Føroyar og sleppa ikki at svimja undir Merkinum men undir LEN-flagginum, hetta tí at Olympiska Nevndin í Evropa fyriskipar leikirnir, og har sleppa bara sjálvstøðgar tjóðir at gerast limir. Tíðirnar hjá Lív vóru hesar:

• 100 metra frí við tíðini 1:02.33

Danish Open 2014

Lív var tilmeldað til kappingarnar í 50, 100 og 200 metrum frí á Danish Open 2014.

BankNordik stevna 22. - 23. mars 2014 í Vági

Lív vann fýra gull heiðursmerki og gjørdist fjórðmest vinnandi svimjarin á stevnuni og tann svimjarin hjá Havnar Svimjifelag, ið vann mest.

Reykjavík International 2014

Lív luttók á Reykjavík International í januar 2014.

• Bronsu í 100 metra frísvimjing við tíðini 1:02.12
• Nr. 7 í 50 m frí við tíðini 28.74

HS-stevnan 2. og 3. nov. 2013

Lív vann 2 gull, 2 silvur og eitt bronsu heiðursmerki á HS-stevnuni 2013 í Havn.

Føroyameistarastevnan 2013

• Silvur í 4X50m frísvimjing við tíðini 1:48.77
• Bronsu í 100 m blandað 1:09.99
• Bronsu í 100 m frí við tíðini 59.23
• Bronsu í 200 m frí við tíðini 2:11.72
• Bronsu í 800 m frí við tíðini 9:42.51
• Bronsu í 4X100m frí við tíðini 4:03.05

Ólavsøkusvimjingin 2013

Lív vann Ólavsøkusvimjingina við tíðini 5:27.8

Norðurlendska Meistarastevnan fyri Ung 2013 í Reykjavík

Lív setti føroyskt juniormet í 100 frí við tíðini 1:01.51.

Familja

Lív er dóttir Annu og Erling Eidesgaard og abbadóttir Jóannes Eidesgaard, fyrrverandi løgmann. Systir hennara Vár (fødd 2001) og bróðirin Bartal (føddur 2003) eru eisini svimjarar.