Fiskiørn

Frá Wikipedia, hin frælsa alfrøðin
Far til: navigatión, leita
Fiskiørn
Osprey mg 9605.jpg
Støða
Status iucn3.1 LC.svg
Minst stúrin
Vísindaflokking
Ríki: Animalia
Rað: Chordata
Flokkur: Aves
Røð: Accipitriformes
Familja: Pandionidae
Ætt: Pandion
Slag: P. haliaetus

Fiskiørn ella gjóður (frøðiheiti - Pandion haliaetus) hevur ikki vanligt tilhaldsstað í Føroyum, men er stundum sædd her á landi. Millum annað í apríl mánaða 2008 helt ein fiskiørn til á Hálsvøtnum á Sandoynni.[1] Fiskiørnin hoyrir til bólkin av rovfuglum, men livir næstan 100% av fiski. Fiskaørnin er nógv minni enn havørn og landørn. Omaná er hon dimmbrún, í neðra hvít; føturnir eru gráir. Hon sæst um allan heim, heldur seg mest við vøtn og stórar áir, men eisini úti við sjógv. Hon livir av fiski. Seigliga flýgur hon, einar 10 favnar yvir vatninum, steðgar nú og tá at skimast. Fuglum ger hon aldri nakað, og teir liggja líka tryggir, um teir síggja hana uppi yvir sær. So fær hon eyga á ein fisk, og í stundini stoytir hon sær niður, ofta so hart, at hon fer heilt undir kav, men vatn rínur ikki við hana. Skjótt kemur hon upp aftur, aloftast við fiski í klónum. Ofta baksar hon leingi, áðrenn hon sleppur á flog; ja, tað hendir, af fiskurin vinnur og dregur hana undir kav, so hon kódnar — klørnar krøkir hon so fast í, at hon fær tær ikki úr í bræði, og mangar ferðir hava menn veitt fisk við ørnaklóm í rygginum. — Í Føroyum sæst hon sjaldan; minst tvær ferðir er hon tó skotin.[2]

Keldur[rætta | rætta wikitekst]

  1. Grein um fiskiørn sædd á Hálsvøtnum á Sandoynni; www.Portal.fo
  2. Mikkjal á Ryggi: Fuglabókin, Dýralæra II. 1951.

Sí eisini[rætta | rætta wikitekst]