Tjaldur

Frá Wikipedia, hin frælsa alfrøðin
Far til: navigatión, leita
Tjaldur
Haematopus ostralegus Norway.jpg
Støða
Status iucn3.1 LC.svg
Minst stúrin
Vísinda flokking
Ríki: Animalia
Rað: Chordata
Flokkur: Aves
Røð: Charadriiformes
Familja: Haematopodidae
Ætt: Haematopus
Slag: H. ostralegus
Haematopus ostralegus
Tjaldur

Tjaldrið (frøðiheiti - Haematopus ostralegus) er tjóðarfuglur í Føroyum og er at síggja alt summarið. Longd 45 cm.

Tjaldrið er at síggja alt summarið. Tey flestu tjøldrini eru í Wales um veturin, men nøkur flúgva heilt til Fraklands. Tey koma aftur til Føroya á grækarismessu tann 12. mars, og sagt verður, at tey hava fult reiður á Krossmessu 3. mai.

Tjaldursegg og ungi

Eitt tjaldursreiður er ein lítil kulla, ið kann verða fóðrað við smásteinum og skeljum. Eggini eru gulbrún við myrkabrúnum plettum og strikum, og tey eru uml. 57 x 40 mm til støddar. Ungarnir klekjast eftir 25 døgum. Tjaldrið er ein av teimum fáu vaðfuglunum, ið fóðrar ungar sínar. Tá foreldrafuglurin t.d. hevur fangað ein maðk, verður hann lagdur frammanfyri ungan, sum so etur hann. Ungarnir halda ofta til í grýtutum lendi, og har eru kamoflasjulitirnir hjá ungunum tann besta verjan. Øll, ið nærkast reiðri og unga, verða harðliga útskeldað.

Stevið í Fuglakvæðinum yngrum hjá Nólsoyar Páll ljóðar soleiðis:

Fuglurin í fjøruni
við sínum nevi reyða
mangt eitt djór og høviskan fugl
hevur hann greitt frá deyða,
Fuglurin í fjøruni.

Sí eisini[rætta | rætta wikitekst]

Útvortis ávísning[rætta | rætta wikitekst]

Wikispecies logo
Wikispecies hevur upplýsingar viðvíkjandi:
»Tjaldur«.
Wikimedia Commons logo
Sí miðlasavnið